2021/06/25
USD 2,811

Шинэ Ерөнхийлөгч хэзээ тангараг өргөх вэ?

Ш.АДЪЯАМАА
2021/06/10

Монгол Улсын зургаа дахь Ерөнхийлөгчөөр МАН-аас нэр дэвшсэн У.Хүрэлсүх сонгогдлоо. Тэгвэл шинэ Ерөнхийлөгч хэзээ тангараг өргөх вэ гэдэг асуулт олны анхаарлыг ихэд татаж байна. Шинэ Ерөнхийлөгч тангараг өргөх журмыг хуульд ингэж заажээ.

Ерөнхийлөгчийн сонгуулийн тухай хуулийн наймдугаар зүйлд:

72.1.Сонгуулийн ерөнхий хороо санал хураалтын дүнг үндэслэн нэр дэвшигчдийн авсан нийт саналыг нэр дэвшигч тус бүрээр гаргана.

72.2.Сонгуульд оролцсон нийт сонгогчийн олонхын санал авсан нэр дэвшигчийг Ерөнхийлөгчөөр сонгогдсонд тооцсон тухай шийдвэрийг Сонгуулийн ерөнхий хороо гаргаж, нийтэд мэдээлнэ.

72.3.Сонгуулийн ерөнхий хороо нь сонгуулийн дүн болон Ерөнхийлөгчөөр сонгогдсонд тооцсон тухай шийдвэрийг санал хураалт дууссан өдрөөс хойш 10 хоногийн дотор Монгол Улсын Их Хуралд өргөн мэдүүлнэ.

73 дугаар зүйл.Монгол Улсын Ерөнхийлөгчийн бүрэн эрхийг нь хүлээн зөвшөөрсөн хууль гаргах

73.1.Монгол Улсын Их Хурал анхан шатны сонгуульд оролцсон нийт сонгогчийн олонхын санал авсан нэр дэвшигчийг Монгол Улсын Ерөнхийлөгчөөр сонгогдсонд тооцсон тухай Сонгуулийн ерөнхий хорооны шийдвэрийг үндэслэн бүрэн эрхийг нь хүлээн зөвшөөрөх тухай хууль гаргана.

Ерөнхийлөгчийн тухай хуулийн 5 дугаар зүйл Ерөнхийлөгч тангараг өргөх

1.Шинэ сонгогдсон Ерөнхийлөгч нь Улсын Их Хурал Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрсөн хууль гаргаснаас хойш З0 хоногийн дотор Улсын Их Хуралд Үндсэн хуулиар тогтоосон тангараг өргөнө.

2.Ерөнхийлөгч тангараг өргөх өдрийг Улсын Их Хурал товлон тогтооно.

3.Ерөнхийлөгчийн тангараг өргөх ёслолын журмыг Улсын Их Хурал тогтооно.

МОНГОЛ УЛСЫН ЕРӨНХИЙЛӨГЧ ТАНГАРАГ ӨРГӨХ ЁСЛОЛЫН ЖУРАМ

Нэг. Тангараг өргөх ёслолын бэлтгэл

1.Төрийн ордны Их танхимын тайзны гүнд хөх цэнхэр дэвсгэр дээр Монгол Улсын Төрийн сүлд залж, түүний дэргэд баруун гар талд Монгол Улсын төрийн далбааг байрлуулсан байна. Төрийн далбааны дэргэд ам дөрвөлжин цагаан эсгий дэвсэж, хоёр талд Монгол Улсын төрийн ёслолын хүндэт харуулын цэрэг зогссон байна.

Их танхимын тайзны баруун гар талд шинээр сонгогдсон Ерөнхийлөгч, бүрэн эрх нь дуусгавар болж байгаа Ерөнхийлөгч болон Ерөнхийлөгчийн Тамгын газрын даргад зориулсан ширээ, сандал, Их танхимын тайзны зүүн гар талд Улсын Их Хурлын дарга, Ерөнхий сайд болон Улсын Их Хурлын Тамгын газрын Ерөнхий нарийн бичгийн даргад зориулсан ширээ, сандал, Их танхимын тайзны голд шинээр сонгогдсон Ерөнхийлөгч тангараг өргөж, үг хэлэх индэр, тайзны зүүн, баруун жигүүрт Улсын Их Хурлын гишүүдийн суух сандлыг хивсэн дээр тус тус байрлуулсан байна.

2.Их танхимын тайзны голд байрлуулсан индэр дээр Үндсэн хуулийн уг эх хувь, шинээр сонгогдсон Ерөнхийлөгчид зориулсан ширээн дээр Ерөнхийлөгчийн тангараг бичиг, гарын үсэг зурах үзэг болон бэх тавьсан байна.

З.Тангаргын хавтасны гадна нүүрний дээд хэсэгт Төрийн сүлдийг алтлаг өнгөөр дүрсэлж, шил талд нь "Монгол Улсын Ерөнхийлөгчийн тангараг" гэсэн үгийг монгол үсгээр, доод хэсэгт кирилл үсгээр тус тус дармалсан байна. Хавтасны дотор талын эхний нүүрэнд "Алтан соёмбо" үсэг зурж, нөгөө нүүрэнд Ерөнхийлөгчийн тангаргыг монгол, кирилл үсгээр гүн хөх өнгөөр гоёмсог хэвлэсэн байна.

4.Их танхимд Зэвсэгт хүчний ерөнхий штабын үлгэр жишээ үлээвэр найрал хөгжим байрласан байна.

5.Ерөнхийлөгч тангараг өргөх ёслолын ажиллагаанд Монгол Улсын Ерөнхий сайд, Засгийн газрын гишүүд, Үндсэн хуулийн цэцийн дарга, гишүүд, Улсын дээд шүүхийн Ерөнхий шүүгч, шүүгчид, Ерөнхий прокурор болон Улсын Их Хуралд ажлаа шууд хариуцан тайлагнадаг байгууллагын удирдах албан тушаалтан, улс төрийн намын удирдлага болон хэвлэл, мэдээллийн ажилтнууд, иргэдийн төлөөлөл, гадаадын дипломат төлөөлөгчдийн газрын тэргүүн, зочдыг урьсан байна.

Хоёр. Тангараг өргөх ёслол

6.Улсын Их Хурлын дарга Улсын Их Хурлын гишүүдийн ирцийг мэдэгдэж Улсын Их Хурлын чуулганы хуралдааны ажиллагааг нээж "Монгол Улсын Ерөнхийлөгч Монгол Улсын Их Хуралд тангараг өргөнө" хэмээн зарлан мэдэгдэнэ.

7.Ийнхүү зарламагц Ерөнхийлөгч Тамгын газрын даргыг, шинээр сонгогдсон Ерөнхийлөгч Төрийн ёслолын албаны даргыг дагуулан Их танхимын тайзнаа хүрэлцэн ирж, журмын Нэгийн 1 дэх заалтад заасан ширээний ард зогсоно. Бүрэн эрхийн хугацаа дуусгавар болж байгаа Ерөнхийлөгч ийнхүү хүрэлцэн ирэхдээ Төрийн тамгыг залж авчран ширээн дээр тавина. Бүрэн эрхийн хугацаа дуусгавар болж байгаа Ерөнхийлөгч, шинэ сонгогдсон Ерөнхийлөгч монгол үндэсний хувцастай байна.

Ерөнхийлөгч тангараг өргөх ёслолын ажиллагааны үед Төрийн тамгыг хамгаалах үүргийг Төрийн ёслолын хүндэт харуулын дарга гүйцэтгэнэ.

8.Ерөнхийлөгч индэрт гарч Үндсэн хуулийн уг эх хувь дээр баруун гараа тавиад тангаргийг цээжээр дээдлэн дуудаж, ширээнээ эргэн очиж тангарагт гарын үсгээ зурна. Дараа нь Улсын Их Хурлын даргад тангараг бичгээ гардуулна. Ийнхүү тангараг бичгээ гардуулсны дараа Төрийн далбааны дэргэд очиж ам дөрвөлжин цагаан эсгий дээр зүүн өвдөг сөгдөн Төрийн далбаанаас адис авна.

9.Бүрэн эрх нь дуусгавар болсон Ерөнхийлөгч шинэ сонгогдсон Ерөнхийлөгч тангараг өргөсний дараа Төрийн тамгыг хадаг /нанжвандан/ дээр залж, шинэ Ерөнхийлөгчид хүндэтгэлтэйгээр өргөн барина. Шинэ Ерөнхийлөгч Төрийн тамгыг хүндэтгэлтэйгээр гардан авч, адислан ширээн дээрээ зална.

10.Ерөнхийлөгчийн бүрэн эрх хугацаанаас өмнө дуусгавар болсон тохиолдолд шинэ сонгогдсон Ерөнхийлөгч Төрийн ёслолын албаны даргыг дагуулан тайзнаа хүрэлцэн ирж өөрт нь зориулсан ширээний ард зогсоно.

11.Бүрэн эрх нь хугацаанаасаа өмнө дуусгавар болсон Ерөнхийлөгчийн оронд сонгогдсон Ерөнхийлөгчид Төрийн тамгыг Улсын Их Хурлын дарга энэ журмын Хоёрын 9 дэх заалтад заасны дагуу гардуулан өгнө.

12.Ерөнхийлөгч улиран сонгогдсон тохиолдолд Ерөнхийлөгч Тамгын газрын даргаа дагуулан Их танхимын тайзнаа хүрэлцэн ирж энэ журамд заасны дагуу тангараг өргөнө.

Ерөнхийлөгч улиран сонгогдсон тохиолдолд ажил хүлээлцэх, Төрийн тамгыг гардуулах ёслол үйлдэхгүй.

13.Тангараг өргөсөн Ерөнхийлөгч Төрийн тамгыг ширээн дээрээ залмагц Улсын Их Хурлын дарга Ерөнхийлөгчид баяр хүргэж, хөгжимд Монгол Улсын Төрийн дуулал эгшиглэнэ. Төрийн дуулал эгшиглэж байхад ёслолын ажиллагаанд оролцож байгаа бүх хүн босож зогсоно.

14.Төрийн дуулал эгшиглэсний дараа иргэдийн төлөөлөл баяр хүргэж үг хэлсний дараа ахмад хүн хадаг, мөнгөн аягтай сүүг Ерөнхийлөгчид барина. Ерөнхийлөгч хадаг, мөнгөн аягатай сүүг хүлээж аваад Улсын Их Хурал болон ард түмэндээ хандаж индэрт үг хэлнэ.

Ерөнхийлөгч үг хэлж дуусмагц Улсын Их Хурлын дарга Ерөнхийлөгч тангараг өргөн ёслолын ажиллагаа өндөрлөснийг мэдэгдэнэ.

15.Үүний дараа Ерөнхийлөгч Төрийн ордон дахь Монгол Улсын нэгдсэн тулгар төрийн уламжлалт есөн хөлт Их цагаан туганд хүндэтгэл үзүүлж адис авна.

Бүрэн эрхийн хугацаа дуусгавар болсон Ерөнхийлөгч Тамгын газрын даргаа, шинээр сонгогдсон Ерөнхийлөгч Төрийн ёслолын албаны даргыг дагуулан Ерөнхийлөгчийн өргөөнд хүрэлцэн ирж, ажил хүлээлгэн өгөх ёслол болно.

16.Ерөнхийлөгч тангараг өргөх ёслолын ажиллагааг Монголын радио, телевизээр орон даяар нэвтрүүлнэ.



Сэтгэгдэл (19)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
183.177.99.230
МАН нам яллаа харамсалтай нь Дэлхийд Монгол Улсын нэрийг болон Намыг хөөдөж байгаа С Батболдыг нэн даруй огцоруулж зохих ёсны шийтгэлийг нь хүлээлгээ Дэлхий хангалттай баримт нотолгоог дэлгэсээр л байхад харин Монголын төр юу хийж чадахгүй байна даа
Хариулах
112.72.15.78
Цагаан сонголтынхон бол зөвхөн хувийн эрх ашгаа бодогсод. Нийгэмчлэгдээгүй хүмүүс ..??????????????????
Хариулах
202.55.188.36
Нэг намын дарангуйлал тогтлоо могтлоо гэцгээх юм, үгүй энэ бол ард түмний сонголт, ард түмний дарангуйлал, МАН мандтугай, МУ хөгжин бардаг, монгол түмний амьдрал өдрөөс өдөрт дээшлэх!!!
Хариулах
66.181.189.179
Тийм шүү хаха АН баяртай
Хариулах
66.181.189.179
Хөөе чи төлөхгүй гээд яадгын даварцан новш вэ, хэдэн сар төлж өглөө болоо юм бишүү
Хариулах
202.9.40.124
7 sar xvrtel uls tulnu 8 saraas uursduu tulnu gesen bzdee bitii dawaraad axiad baigaarai
Хариулах
240f:6f:7779:1:180c:9862:9848:4755
Minii yerunhiilugch bish. Ene hulgaich lav bish. Trend iin Bolushkaitai nuuts amragiin haritsaatai baih aa. 2024 ond gishuun bolgood gargaad irne. Putin bas nuuts amragaa Dumiin gishuun bolgoj baisan. Nuguu Yaponii shildeg surguuli tugssun geed baisan hun ingej l amidardag yum baina. Surguuliin huuhduud naizuud n yu boddog bol. Bolushkagiin dansiig shalguulaya.
Хариулах
240f:6f:7779:1:180c:9862:9848:4755
Ehner n ene ichij baigaa bol salaachee. Emegtei hunii huvid sanaa zovchloo
Хариулах
122.201.19.99
Баялагаа хэзээ авах вэ Хүүкэээ худлаа хэсэг сэвлээээ
Хариулах
66.181.161.27
Бүх ард түмнээсээ сонгогдсон Ерөнхийлөгчдөө хүндэтгэлтэй хандацгаах хэрэгтэй. Энэ бол ямарч байсан олон түмний сонголт хүлээлт.
Хариулах
51.89.99.184
УС ДУЛААН ЦАХИЛГААН АА ОДОО ӨӨРСДӨӨ ТӨЛ ГЭЖ ШААНА ХАРЖ Л БАЙГААРАЙ
Хариулах
202.55.188.88
Шинэ ерөнхийлөгч ардын хувьсгалын 100 жилийн ойн их баяр наадмаа нээх нь гарцаагүй боллоо . Үүний төлөө зүтгэсээн зүтгэсэн.
Хариулах
59.153.113.191
Сү. Батболдын гарт улсаараа орох гэж тавьлан юмдаа. Хүүкийг Сү. Батболд харцаараа хөдөлгөдөг гэдгийг мэдэхгүй л байна даа энэ монголчууд. Сү Батболдын солонгосын телевизээр гарсан нэвтрүүлэг үзээрэй сая доллар бол юу ч биш хэдэн тэрбумаар долларыг яаж угааж байгаа талаар нарийн деталтай баримттай ярьж байна лээ. Ийм ард түмэнд хэдхэн цаас өгөөд улсыг нь самрах эрхийг нь өгчихлөө дөө.
Хариулах
202.9.46.210
Unen ba shudarga yos ardchilal ugui boljee teneg ard olnii teneg tur garaastai butku humuus umAa
Хариулах
192.82.84.236
Khurelismiiinhen uhej dald ortsgooo uter turgen uhej dald or!!!!!!!!!!!!!!!!!! !
Хариулах
202.9.46.72
Нохойн оцгор, Цагаан сонголт хийсэндээ сэтгэл хангалуун, бахтай байна
Хариулах
66.181.176.75
teneg toxic uraa gj soliorhoor huur ve uukhai shuu ydj helchiy
Хариулах
202.55.188.86
Ардын нам ардын засаг мандтугай.Монгол улсын төлөө зүтгэе.АНам Монголын хөрснөөс үүрд арчигдлаа.
Хариулах
202.179.27.219
Путин ялнаа
Хариулах