Боловсрол, шинжлэх ухааны яам бусад салбараасаа хамгийн эхэнд төсвөө цахим хэлбэрт шилжүүлжээ. Төсвийн цахим шилжилтийн нээлтэд БШУ-ны сайд Л.Энх-Амгалан, Сангийн сайд Б.Жавхлан нар оролцсон юм.
БШУ-ны сайд Л.Энх-Амгалан үйл ажиллагааг нээн үг хэлэв.
-Бид цахим үндэстэн болох том зорилт тавьсан. Сангийн сайд Б.Жавхлан ажлаа авах үедээ төсвийн шинэчлэлийг эхлүүлнэ гэж ажлаа авсан даруйдаа мэдэгдсэн. Бид хамтарсан ажлын хэсэг байгуулан, боловсрол шинжлэх ухааны салбар анх удаа төсвөө цахимжуулсанд баяртай байна. Манай салбарт төрийн албан хаагчдын 50 хувь нь ажилладаг. Боловсролын салбарт ДНБ-ий 6 хувьтай тэнцэх хэмжээний зардлыг зарцуулдаг. Манай салбарт 300-400 тэрбум төгрөгийг улсын төсвөөс зарцуулдаг. Үндсэндээ төсвийн 60-70 хувь нь гэсэн үг. Өнгөрсөн хугацаанд манай салбарынхан үр дүнд чиглэсэн зарцуулалтад ихээхэн анхаарсан. Боловсролын салбарын төсөв цахимд шилжсэнээр жил бүр 1.7 их наяд төгрөг сурагчдад хүрч байгаа эсэхийг хянана.Төсвийн мэдээллийг цахимжуулахад цаг хугацаа, их нүсэр ажил байлаа. Манай салбарт нийт 2500 гаруй байгууллага бий. Энэ бүгдийн төсвийг боож нэгтгэхэд нэлээд ажил болсон. Боловсролын салбар цахимаар төсвөө хийх болсноор асар богино хугацааны дотор одоогийн жилд гарч байгаа зардлаас 1 тэрбум төгрөг хэмнэж байна. Нэг тэрбум төгрөг гэдэг бол 150 хүүхдийн цэцэрлэгтэй тэнцэх хэмжээний төсөв юм.
Сэтгэгдэл (0)
Сэтгэгдэл бичигдээгүй байна