Өнгөрсөн долоо хоногт ОБЕГ-ын дэд дарга, Бригадын генерал Б.Ууганбаяр Архангай аймагт ажиллаж, аймгийг Засаг дарга Д.Золжаргал, ОБГ-ын дарга, хурандаа Д.Эрдэнэбаатар нартай уулзалт хийжээ. Уулзалтаар Онцгой байдлын ерөнхий газар, АНУ-тай хамтран зохион байгуулдаг гамшгийн хор уршгийг арилгах “Хангай-21” олон улсын дадлага сургалтын бэлтгэл ажилтай танилцаж, санал солилцов.
Энэ үеэр аймгийн Засаг дарга Д.Золжаргал аймгийнхаа Онцгой байдлын газарт шаардлагатай байгаа тоног төхөөрөмж болон шуурхай албаны Land-200 маркийн автомашин гардуулжээ.
АНУ-ын Элчин Сайдын Яамны төлөөлөгчид, Колин Аткинсон тэргүүтэй Иргэн Цэргийн Дэмжлэгийн Бүлэг уулзалтад оролцон, ОБГ-т шаардлагатай тоног төхөөрөмж нэмж нийлүүлнэ гэв.
Мөн хамтран ажиллах саналын хүрээнд аймгийн Боловсролын салбарт үнэтэй хувь нэмэр оруулж Эрдэнэбулган, Тариат сумдад хүүхдийн цэцэрлэг барих, хөрөнгө оруулалтын дэмжлэг үзүүлэхээр болжээ.
Сэтгэгдэл (0)
Сэтгэгдэл бичигдээгүй байна