Ерөнхийлөгчийн сонгуулийн үр дүнтэй холбогдуулан УИХ-ын гишүүн Б.Пүрэвдорж, АН-ын гишүүн Х.Тэмүүжин, З.Нарантуяа нар "Эв нэгдэлтэй ардчилсан нам" сааачилга гаргаж, 100 мянган гишүүнээсээ гарын үсэг цуглуулах талаар мэдээлэл хийлээ.
АН-ын гишүүн З.НАРАНТУЯА: Сүүлийн хоёр ч УИХын сонгуульд мөн Ерөнхийлөгчийн сонгуульд АН ялагдсан нь намын эв нэгдэлтэй шууд холбоотой. Монголын улстөрд цаашдаа зөв соёл тогтоохын тулд хариуцлага хүлээж огцорч чаддаг намын удирдлага байх ёстой. Сонгогдож гарсан намынхаа үзэл баримтлалыг үнэлж чаддаг байх улс төрийн соёл суулгахад дотоод ардчилал хамгийн чухал.АН нийгмээс дэмжлэг авахаа больсон улс төрийн хүчин биш.Ерөнхийлөгчийн сонгуульд бага санал авсан ч гэсэн сонгуульд саналаа өгөөгүй нийт сонгогчдын 42 хувь нь бий.
Сонгуульд оролцоогүй иргэд сонголтгүй учраас саналаа өгөөгүй гэж ойлгож байна. Лидерүүдийн маргаанаас болж АН тарж бутарна гэж байхгүй.Хоёр намын бүтэц гаргаж, нэгэндээ бууж өгөхгүй хөлөө жийлцээд сууж буй удирдлагууд минь мянга мянган гишүүн чинь та бүхнийг өнөөдрийн улс төрийн өндөрлөгт хүрэхэд чин сэтгэлээсээ хоёргүйгээр зүтгэсэн. Одоо Залуусын хувь заяаны төлөө, намын ирээдүйн төлөө нэг удирдлагатай болоход бүгд хичээж зүтгэж ажиллахыг уриалъя. Ардчилсан нам орших уу, эс орших уу гэдэг заагт ирчихээд байна. Бид нарт хагарал хангалттай. Намынхаа нийт гишүүдэд хандаж Ардчилсан намд хариуцлагатай байх цаг ирсэн гэж хэлье. Эрх барьж буй намын шинэ залуу удирдлагад уриалга гаргамаар байна. Бид улс төрийг хуйвалдаанаар биш, улс төрийн эрх мэдлээр биш, улсын төсвөөр биш чин сэтгэлээсээ ард түмний сонголтод үндэслэн явуулдаг тэр соёлыг үлдээмээр байна. Эрх баригч нам Ардчилсан намын сул тал, хагаралтай байдал дээр бүү тоглооч. Гишүүд нь өөрсдөө даргаа бүртгүүлэх, Улсын дээд шүүхэд бүртгүүлэх, гэрчилгээгээ олж авах, үзэл бодлоо илэрхийлэх талбарыг нь чөлөөтэй өгөөч гэж хэлмээр байна.
23°C
Сэтгэгдэл (22)