Украйн хийн хоолой нутгаар нь дамжаагүйн төлөө нөхөн төлбөр авах бодолтой

Украин улс ОХУ-ыг өөрийн олборлодог шатдаг хийгээ гуравдагч улсын нутгаар дайруулалгүй шууд эцсийн хэрэглэгчид хүргэх “Умардын урсгал-2” хоолойг ашиглалтад оруулсны дараа нөхөн төлбөр авах бодолтой байгаа тухайгаа мэдэгджээ. Украины Гадаад хэргийн сайд Дмитрий Кулеба нь “бидэнд нөхөн төлбөр төлөх тухай хэлэлцээ хийхийг санал болговол авч үзэж болох юм” гэжээ. Гэхдээ өөрийн шатдаг хийгээ нутгаар дамжуулаагүй оросууд эсвэл Оросын хийг Украины оролцоогүйгээр шууд авах болсон Герман хоёрын хэн нь нөхөн төлбөр санал болгохыг Украины сайд тодруулаагүй байна. Мөн нөхөн төлбөр болгож авах мөнгөний хэмжээг хэлээгүй.  

Гэхдээ Украиныг транизит улс гэсэн ач холбогдлоо алдсаны нөхөн төлөөсийг АНУ өмнөөс нь авч өгч магадгүй тухай ярьжээ. АНУ-ын Төрийн нарийн бичгийн дарга Блинкен нь “Умардын урсгал-2”-ыг ашиглалтад орсон тохиолдолд Украины нэлээд алдагдал хүлээх тул түүнийг нь нөхөн төлөх ёстой гэж мэдэгдсэн бөгөөд тэрээр “Энэ бол европчуудын шийдэх зүйл” гэж мэдэгдсэн.  

“Умардын урсгал-2” дамжуулах хоолой ашиглалтад орвол Украин нь Оросын шатдаг хийг нутгаараа дамжуулсны төлөөс гэж жил бүр 3-5 тэрбум евро авдаг байснаа авч чадахаа болих юм.