Засгийн газрын зарим сайдыг солих асуудал хөндөгдөж эхэллээ. Тодруулбал, Эрүүл мэндийн сайд С.Энхболд хамгийн эхэнд огцрох сайд нарын дунд нэр нь яригдаж байгаа аж. Коронавирусийн халдвартай тэмцэж байгаа энэ үед Эрүүл мэндийн сайдын чандасыг хамгийн их сорьж, шалгаж байгаа гэхэд болно. Өмнөх сайд нь ч гэсэн салбартаа хариуцлага алдсан шалтгаанаар танхимаараа Засгийн газар нь огцорч байсан бол энэ удаад мөн Эрүүл мэндийн сайд С.Энхболдыг ажлын хариуцлагагүй, уялдаа холбоогүй ажиллаж байгаа учраас огцруулна гэсэн мэдээлэл байна.
Тодруулбал, хамгийн сүүлд буюу өчигдөр /2021.06.15/ үдээс хойш Эх, хүүхдийн 300 ортой эмнэлэгт коронавирусийн халдвартай жирэмсэн эх амь насаа алджээ. Тухайн эх ЭХЭМҮТ болон ХӨСҮТ-д хандсан боловч хүлээж аваагүйгээс халдвар хүндэрч нас барахад хүрсэн гэж үзэж байгаа аж. Уг асуудлыг салбарын түвшинд хөндөж сайдыг нь огцруулах асуудал яригдаж эхэлсэн гэдгийг эх сурвалж хэллээ.
28°C
Сэтгэгдэл (94)