Сүүлийн 24 цагийн хугацаанд улсын хэмжээнд коронавирусийн халдварын улмаас 37-95 насны 11 хүн нас барсан талаар ЭМЯ-наас мэдээлсэн. Нас барсан 11 хүний ес нь вакцинд хамрагдаагүй байжээ. Нэг нь нэгдүгээр тундаа, нэг хүн хоёрдугаар тунгаа хийлгэсэн байсан боловч 14 хоноогүй байсан гэж ЭМ-ийн сайд чуулганы хуралдааны үеэр хэллээ.
Түүнчлэн мөн нэг жирэмсэн эх нас баржээ. Тэрээр халдвар аваад Хан-Уул дүүргийн нэгдсэн эмнэлэгт эмчлүүлж байгаад өчигдөр орой нас барсан гэж эх сурвалж мэдээллээ.
Нас баралтын шалтгаан нь хавсарсан суурь эмгэг байгааг мэргэжилтнүүд хэлж буй. Вакцинжуулалт эхэлснээс хойш нийслэлийн 18-аас дээш насны иргэдийн 101 хувь буюу 964.585 нь I тунд, 89 хувь буюу 848325 нь II тунд хамрагдаад байна. Мөн 299 жирэмсэн эх дархлаажуулалтад хамрагджээ.
Сэтгэгдэл (0)
Сэтгэгдэл бичигдээгүй байна