УИХ-ын чуулганы хуралдаанаар Монгол Улсын хөгжлийн 2022 оны төлөвлөгөө батлах тухай” Улсын Их Хурлын тогтоолын төслийг хэлэлцэх үеэр УИХ-ын гишүүн Д.Ганбат "Дарханы зам хэзээ ашиглалтад орох вэ" гэдгийг салбарын сайдаас нь тодруулав.
Зам тээврийн хөгжлийн сайд Л.Халтар: Сүүлийн үед Монгол Улсын хэмжээнд авто замын ослыг Дархан дээр “нааж” улс төржүүлж байгаа. Тээврийн цагдаагийн албанаас сүүлийн гурван жил Дарханы замд гарсан нас баралтуудыг маш тодорхой тоогоор Д.Ганбат гишүүнд хүргүүлье. Түр зам тавьснаар өмнөх жилүүдтэй харьцуулахад осол харьцангүй буурсан. Дарханы зам гэрээнд тусгагдсанаар 2022 оны аравдугаар сард ашиглалтад орно. Гэхдээ Азийн хөгжлийн банкны хоёр, дөрөвдүгээр багцын хувьд хүндрэл байна. Өмнө байсан хоёр гүйцэтгэгч компани ажлаа муу хийснээс гэрээг цуцалсан. Дээрх хоёр гүйцэтгэгч ажлын маргаан үүсгэж тендерийг гацаасан ийм зүйл бий. Бусад ажлууд хэвийн явж байгаа" гэв.
Сэтгэгдэл (0)
Сэтгэгдэл бичигдээгүй байна