Хятад нь корона вирусийн эсрэг үйлчилгээтэй "CoronaVac" вакциныг онцгой нөхцөл байдалд 3-17 насны хүүхдэд тарихыг зөвшөөрсөн гэдгийг "Sinovac" компанийн тэргүүн Инь Вэйдун "Global Times" сонинд мэдэгджээ.
Гэхдээ зөвшөөрөл нь хэдийнээс хэрэгжиж эхлэхийг хараахан шийдээгүй байгаа гэдгийг тэрээр онцолжээ. "Sinovac" компани нь 3-17 насны хэдэн зуун сайн дурынхныг хамруулан "CoronaVac" вакцины клиник туршилтыг хийхэд вакцин нь насанд хүрэгчдэд үйлчилдэгтэй адил аюулгүй бөгөөд үр дүнтэй болох нь батлагдсан тул ийм шийдвэр гаргасан юм байна.
Энэ зуур Балбын Эрүүл мэндийн удирдах газар "CoronaVac" вакциныг онцгой тохиолдолд ашиглахыг зөвшөөрсөн тухай "The Kathmandu Post" сонин мэдээлжээ. Ингэснээр Балба нь Хятадын "Sinovac" вакциныг хэрэглэхийг зөвшөөрсөн 48 дах улс болжээ.
Одоогоор "Sinovac" компани нь Хятад болон бусад 40 гаруй улсад 600 сая тун вакцин нийлүүлээд байгаа юм байна.
Эх сурвалж: Global Times
Сэтгэгдэл (0)
Сэтгэгдэл бичигдээгүй байна