ОХУ-ын Ерөнхийлөгч В.Путины хэвлэлийн төлөөлөгч Дмитрий Песков нь ойрын хугацаанд Оросын иргэд дахин вакцинжуулалтад хамрагдах ёстой болно гэж мэдэгдсэнийг “Интерфакс” агентлаг уламжилсан байна. Тэрээр “Ойр дотны хүмүүсээ аюулаас сэргийлэх, өөрийгөө хамгаалах, эргэн тойронд нь байгаа хүн бүрийг сэргийлэхийг хүсэж байгаа хүмүүсийн хувьд вакцинжуулалтын адилаар дахин вакцинжуулалтад хамрагдах зайлшгүй шаардлагатай болно” гэж мэдэгджээ. Оросын шадар сайд Т.Голикова нь корона вирусийн эрэг вакцин хийлгэсэн Оросын иргэд хагас жилийн дараа давтан вакцинжуулалтад хамрагдах шаардлагатай гэж мэдэгдэж байсан юм. Мөн Оросын Эрүүл мэндийн мэндийн яамны тэргүүн М.Мурашко нь COVID-19-ийн эсрэг давтан вакцинжуулалтад хамрагдах хугацааг тус яамнаас тодорхойлон зөвлөмж гаргасан тухайгаа мэдэгдсэн байна. Энэхүү зөвлөмжийн дагуу Оросын иргэд өвчний тархалт огцом нэмэгдсэн үед хагас жилд нэг удаа давтан вакцин хийлгээд, тайван үед жилдээ нэг вакцин хийлгээд явахад хангалттай гэж үзэх юм байна.
Вакцин хийсний дараа үүсдэг корона вирусийг устгах үүрэгтэй эсрэг биетүүдийн тоо тодорхой хугацааны дараа эрс цөөрч байгаа нь тогтоогдсон тул ийнхүү дахин вакцинжуулалтад хамрагдах шаардлагатай гэж үзсэн байна.
Сэтгэгдэл (0)
Сэтгэгдэл бичигдээгүй байна