Орхон аймгийн Онцгой комиссоос коронавирусийн халдварын нөхцөл байдлын талаар мэдээлэл хийлээ. Тус аймагт сүүлийн 24 цагт 74 тохиолдол нэмж бүртгэгдсэн. Орхон аймгийн нийт хүн амын 1.7 хувь нь халдарт өртсөн. Нийт эдгэсэн хүний тоо нь 1100 болсон. Халдварын улмаас гурван хүн нас барсны хоёр нь вакцин огт хийлгээгүй байжээ. Одоогоор аймгийн эмнэлэгт 233 хүн хэвтэн эмчлүүлж байгаа аж.
Орхон аймгийн ЭМГ-ын шуурхай штабын зөвлөх эмч, тархвар судлаач Л.Уранчимэг " Дэлхий нийтэд вирус мутацлагдан тархаж байна. Манай Орхон аймгийн хувьд коронавирусийн халдвараар өвчилсөн хүмүүсийн 188 сорьцыг шинжилгээнд хамруулахад 60 гаруй хувьд нь янз бүрийн мутаци тодорхойлогдсон. Дэлхий дээр альфа, бетта, дельта, гамма гэсэн коронавирусийн дөрвөн төрлийн мутаци тархаад байна. Энэтхэг, Орост дельта хувилбар давамгайлж байгаа. Мутацилагдсан вирусийн халдварлах чадвар өндөр байдаг" гэлээ.
Сэтгэгдэл (0)
Сэтгэгдэл бичигдээгүй байна