Коронавирусийн эсрэг вакцинжуулалтын талаар ЭМЯ-наас мэдээлэл өглөө. Вакцин тариулаагүй хүмүүс Вирессол, АстраЗеника, Фпайзер вакцины аль нэгийг тариулах боломжтой боллоо Тодруулбал, Манай улсад Vero Cell, AstraZeneca, Pfizer вакциныг хэрэглэж байна. Та өөрийн гэрт ойр байгаа цэгт очиж, өөрт тохирох вакцинаа сонгон хийлгэх боломжийг маргаашаас эхлэн нээж өгч байгаа. Харин нэгдүгээр тунг Vero Cell вакцин хийлгэсэн бол өөр төрлийн вакцин хийлгэж болохгүйг анхаарах хэрэгтэйг ЭМЯ-наас мэдээллээ.
ЭМЯ-ны хэвлэлийн ажилтан Б.Ууганбаяр " Өнөөдрийн байдлаар вакцины II тунд хамрагдсан хүн нийт хүн амын 52%-ийг эзэлж байна. Тиймээс сүргийн дархлаа тогтох болоогүй. Улаанбаатарын хувьд 1.4 сая хүн амьдардаг гэж үзвэл дөнгөж 59% нь вакциндаа бүрэн хамрагдсан байна.
Одоогоор 1031 буюу 6.8% жирэмсэн эмэгтэй вакциндаа хамрагджээ. 16-17 насны хүүхдүүдийг вакцинжуулах ажил эхэлсэн. Энэ насны 84,288 хүүхэд байна. Үүнээс нэгдүгээр тунд 10,294 хүүхэд вакциндаа хамрагдсан.
Зорилтот бүлгийн 2,151,545 хүнээс вакциндаа хамрагдаагүй хүмүүс байна. Вакцинд хамрагдаагүй 300 гаруй мянган хүн байна. Халдварт өвчнийг бууруулах хоёр арга зам бий. Хөл хорио тогтоох болон вакцинжуулалт.
Коронавирусийн өвчний улмаас 459 хүн эндлээ. Эдгээрээс вакцины нэг тунг хийлгэсэн 175, огт хийлгээгүй 284, вакцины бүрэн тунг хийлгээд 14-өөс дээш хоносон 31 хүн байв.
25°C
Сэтгэгдэл (29)