Хөвсгөл аймгийн Мөрөн сумын "Мөрөн" нисэх буудалд 2021 оны зургадугаар сарын 30-ны оройн 21:39 цагт Алматы-Улаанбаатар чиглэлийн "Хүннү эйр" ХХК-ийн 58 зорчигчтой онгоц ослын буулт хийсэн байна.
Ослын буулт хийх болсон гол шалтгаан нь агаарын хөлгийн ахлах үйлчлэгч 23 настай эмэгтэй Э нь гурван удаа ухаан алдаж, таталт өгчээ. Улмаар "Мөрөн" нисэх буудалд Хөвсгөл аймгийн ОБГ, МХГ, ЭМГ-ын холбогдох албан тушаалтан нар ажиллаж, аймгийн нэгдсэн эмнэлгийн яаралтай тусламж үзүүлсэн байна.
Нисэхийн аюулгүй байдлын хороо хуралдаж, тухайн онгоцыг нислэг үйлдүүлэхээр шийдвэрлэсэн тул оройн 23:12 цагт Мөрөнгөөс-Улаанбаатар чиглэлд хөөрчээ.
Тухайн онгоцоор зорчиж явсан иргэд бүгд коронавирусийн эсрэг вакцины хоёр дахь тундаа хамрагдсан мөн PCR шинжилгээтэй байжээ.
Сэтгэгдэл (0)
Сэтгэгдэл бичигдээгүй байна