Хөлбөмбөг гэртээ ирлээ. Тийм ээ, хөлбөмбөгийн спортыг өлгийдөн авсан гэгддэг Англичууд түүхэндээ анх удаагаа буурал Европын хөлбөмбөгийн АШТ-ний шигшээ шатанд шалгарлаа. Ингэхдээ тэд хагас шигшээд өөрсдийн гэр болох хөлбөмбөгийн ариун дагшин “Уэмбли” цэнгэлдэх хүрээлэндээ ялгуулсан амжилтыг байгуулсан. Англичууд ЕАШТ-нд оролцохдоо 1968, 1996 онуудад гутгаар байранд шалгарч байснаас өөр онцгойрох амжилт үзүүлж байгаагүй. Мөн хөлбөмбөгийн ДАШТ-нд 1966 онд ганцхан удаа финалдаж аварга болж байсан.
Английн залуу “арслан”-гууд Данийн шигшээ багтай 2-1 харьцаатай ялалт байгуулсан. Тоглолтын үндсэн цагт Данийн шигшээ багаас М.Дамсгор гоол оруулсан. Гэсэн хэдий ч Англичууд тоглолтын хяналтаа алдалгүй урагшилсаар 39, нэмэлт цагийн 104 дэх минутанд тус бүр гоол оруулснаар түүхэн ялалт байгуулж чадлаа. Тоглолт Английн талд шийдэгдсэн ч Даничуудыг бас магтах ёстой. Өөрөөр хэлбэл Англи болон Данийн шигшээ багууд хоёулаа энэ удаагийн ЕАШТ-нд маш сайн тоглолоо. Хагас шигшээд ялалт байгуулсан Английн шигшээ баг 11-ний шөнө Италийн шигшээ багтай тивийн аваргынхаа төлөө тоглоно.
Англи 2-1 Дани
Гоол: С.Кьер авто 39’, Х.Кейн 104‘, М.Дамсгор 30’
Шар хуудас: Х.Магуэйр 49’, Д.Васс 72’
Англи: Ж.Пикфорд, К.Уокер, Ж.Стоунс, Х.Магуэйр, Л.Шоу, К.Филлипс, Д.Рис (Ж.Хендерсон 95‘), Б.Сака (Ж.Грелиш 69‘, К.Триппер 105’), М.Маунт (Ф.Фоден 95’), Р.Стэрлинг, Х.Кейн
Дани: К.Шмейхель, А.Кристенсен (Й.Андерсен 79‘), С.Кьер, Я.Вестергор (Ж.Винд 105‘), Й.Ларсен (Д.Васс 67‘), П.Хейбьерг, Т.Дилейни (М.Йенсен 88‘), Й.Мехле, М.Брейтуэйт, К.Дольберг (К.Нёргор 67‘), М.Дамсгор (Й.Поульсон 67‘)
Сэтгэгдэл (0)
Сэтгэгдэл бичигдээгүй байна