2021/08/06
USD 2,811

Тамгагүй, хууль бус даргатай 103-ынхан ажилчдынхаа цалинг тавьж чадахгүйд хүрчээ

Ш.АДЪЯАМАА
2021/07/09

Хариуцлага алдсан шалтгаанаар ажлаасаа халагдсан 103-ын дарга асан Ц.Пүрэвдаш тамгаа аваад албаны машинтайгаа "зугтжээ". Улмаар тамгагүйн улмаас 103 төвийн ажилчдын цалинг наадмын өмнө тавих боломжгүйд хүрээд байгаа аж. Захиргаанаас нь эмч ажилчдаа бодоод тамгагүйгээр цалингийн гүйлгээг хүчээр хийх нөхцөлд хүрээд байна. Уг асуудлыг НЭМГ-т уламжласан боловч тоохгүй өнөөдрийг хүрчээ.  
Энэ сарын 03-ны өдөр коронавирусийн халдвартай, 35 настай иргэн эмнэлгийн тусламж үйлчилгээ авч чадалгүй Баянзүрх дүүргийн эмнэлгийн хажууд байрлах "Энэрэл" эмнэлгийн гадна амь насаа алдсан билээ. Тэгвэл тус эмнэлгийн удирдлагуудад хариуцлага тооцож мөн 103-ын дарга Ц.Пүрэвдаш, Нийслэлийн эрүүл мэндийн газрын дарга М.Мөнхдэлгэр нарыг ажлаас нь чөлөөлсөн. 

Дээрх явдалтай холбогдуулан 103-ын дарга асан Ц.Пүрэвдаш ажлаасаа халагдахаас өмнө эмчилгээ хариуцсан захирал С.Ариунболдыг ажлын хариуцлага алдсан гэсэн шалтгаанаар ажлаас нь чөлөөлөх тушаалыг үйлдсэн байдаг. 

Гэвч Ц.Пүрэвдашийг ажлаасаа чөлөөлөгдөнгүүт түүний оронд ажлаасаа халагдсан С.Ариунболдыг НЭМГ-аас Яаралтай тусламжийн 103 төвийн даргын түр орлон гүйцэтгэгчээр буцаан томилжээ. Уг томилгоог НЭМГ-ын дарга Б. Бямбадорж хийжээ. Өөрөөр хэлбэл, өмнөх дарга нь  халсан С.Ариунболдыг хоёр хоногийн дараа эгүүлэн даргын албан тушаалд томилсон нь хууль бус гэж  103-ын эмч, ажилтнуудад үзэж байгаа аж. 




Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
69.138.231.52
Тамыг нь аваад бөгс рүү нь чих
Хариулах
66.181.161.110
Энэ муусайн ацнууд яахаараа дандаа тамгаа авч зугтдаг юм арьсыг нь хуулж байгаад хурааж ав оо
Хариулах