2021/07/25
USD 2,811

Тагнуулын болон Цагдаагийн ерөнхий газрын дарга нар Хошууч генерал цол хүртлээ

Ш.АДЪЯАМАА
2021/07/10

Монгол Улсын Үндсэн хуулийн Гучин гуравдугаар зүйлийн 1 дэх хэсгийн 7 дахь заалт, Гучин дөрөвдүгээр зүйлийн 1, Монгол Улсын Ерөнхийлөгчийн тухай хуулийн 9 дүгээр зүйлийн 1, 15 дугаар зүйлийн 1 дэх хэсэг, Монгол Улсын Ерөнхийлөгчийн 2021 оны хоёрдугаар сарын 03-ны өдрийн 07, 2021 оны гуравдугаар сарын 15-ны өдрийн 37 дугаар зарлигийг тус тус үндэслэн Монгол Улсын Ерөнхийлөгч У.Хүрэлсүх зарлиг гаргаж, цэргийн дээд цол хүртээлээ.

ЦЭРГИЙН ДЭЭД ЦОЛ ХҮРТЭЭХ ТУХАЙ МОНГОЛ УЛСЫН ЕРӨНХИЙЛӨГЧИЙН ЗАРЛИГААР:

  1. Тагнуулын Ерөнхий газрын дарга, хурандаа Пэлжээгийн Одонбаатар,
  2. Цагдаагийн Ерөнхий газрын дарга, хурандаа Жамсранжавын Болд нарт Хошууч генерал цол,
  3. Төрийн тусгай хамгаалалтын газрын дарга, хурандаа Пүрэвжавын Батаад Бригадын генерал цолыг тус тус хүртээв.

Ерөнхийлөгч У.Хүрэлсүх “Эрхэм хүндэт генералууд аа!

Тулгар төрийн 2230, Их Монгол Улсын 815, Үндэсний эрх чөлөө, тусгаар тогтнолоо сэргээн мандуулсны 110, Ардын хувьсгалын 100 жилийн ойг тохиолдуулан Монгол Улсын Ерөнхийлөгч, Зэвсэгт хүчний Ерөнхий командлагч “Цэргийн дээд цол хүртээх тухай” зарлиг гаргаж, өнөөдөр цагдаа, тагнуул болон төрийн тусгай хамгаалалтын байгууллагын албан хаагчдад хуулийн дагуу генерал цол олгож байна.

Монгол Улс 1994 оноос генерал цолыг бий болгон, хууль журмын дагуу олгож ирсэн түүхэн уламжлалтай. Төрийн тусгай албад бол ард иргэд, нийгмийн амар амгалан байдлыг сахин хамгаалж, эрсдэлт нөхцөлд тушаалаар үүрэг гүйцэтгэдэг онцгой үүрэг хариуцлагатай салбар юм. Эдгээр салбарыг удирдаж, албаны үүрэг даалгаврыг чанд биелүүлж, улстөржилтөөс ангид байж, нийгэмдээ болон ард иргэддээ үйлчлэх тангарагтаа үнэнч байж, нэгэн үзүүрт сэтгэлээр сахин биелүүлж байдаг Та бүхэнд ард иргэдийнхээ нэрийн өмнөөс талархал илэрхийлье.

Та бүхэн төрийн тусгай албанд олон жил үр бүтээлтэй, тогтвортой ажиллаж, өргөсөн тангарагтаа үнэнч байж, цолныхоо шаардлагад нийцсэн хүмүүс гэж үзэж байна.

Генерал цол бол нэн хүндтэй цол бөгөөд энэ цолоор дамжин үүрэг хариуцлага нэмэгдэж байгаа гэдгийг онцлон тэмдэглэж хэлэхийг хүсэж байна. Цолыг даган ирж байгаа хүндэтгэл, итгэл хариуцлагыг дааж, цолондоо тэнцэхүйц ёс зүйтэй, хичээл зүтгэл, эрч хүчтэй ажиллах даалгавар Та бүхний мөрөн дээр энэ мөрдөстэй хамт ирж байгааг үргэлж санаж яваарай.

Эрхэм нөхөд өө!

Эх орныхоо төлөө зүтгэж буй цэрэг эрс, цэргийн мөрдөстөн Та бүхний ард гэр бүл, үр хүүхдүүд нь байдаг. Цэргийн хүний гэр бүл бол төрийн цэргийн байгууллагын бат бэх ар тал, ёс суртахууны үндэс суурь болдог гэж би бодож явдаг.

Амжилт ололт, алдаа оноо бүрийн чинь ард сэтгэл догдлон байдаг цэргийн албан хаагчдын гэр бүл, эрхэм хүндэт генералууд Та бүхний гэр бүл, үр хүүхдүүдэд Монгол Улсын Зэвсэгт хүчний Ерөнхий командлагчийн хувьд чин сэтгэлийн халуун баяр хүргэж байна.

Монгол цэргийн яруу алдар бадрах болтугай!” гэлээ.


 

Эх сурвалж: Ерөнхийлөгчийн хэвлэлийн алба


Сэтгэгдэл (13)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.19.99
цагдаагийн дарга бол өөрөөсөө ичих хэрэгтэй Хүрэлсүхийн бууны нохой хийснэээрээ шууд хошууч генерал болжээ
Хариулах
203.91.115.53
Neg negnige shagnsj hanadaggui yum be emnelegin ajilchid tyildaj yadarch bna tsalinga nemeeche
Хариулах
202.21.109.42
Ард түмэндээ үйлчилж ямар гавьяа байгуулсан юм бол оо
Хариулах
202.126.88.153
Монгол төрийн доройтол
Хариулах
202.72.247.58
T1 humuus t1 eeree duysdag gesen. Bid ene MAHgaruudaas yu ch huseed, ted bidnii toloo yu ch hiihgui. Mongolchuudaa daranguilaliin esreg temtsel hiij ARDCHILAL, erch choloogoo olj avya.
Хариулах
59.153.85.97
Энэ ёстой дампуурал. Үнэндээ улс нь хөгжихгүй дэгжихгүй байж энэ олон баатар, гавьяат генерал уудаар яадгийн бол. Амьтныг аргацайлж хошигруулж дорой төртэй гэдгээ нууж , бие биенээ онгироож байгаа хүүхдүүд мэт. Энхийн цагт генерал ч гэх шиг. Дэлхийд гайхуулах цэрэг цагдаа зэвсэгтэй ч юм шиг. Хэдэн майжийсан дарга цэрэгтэй дампуу төр.., өрөвдөл гэж ёстой энэ дээ
Хариулах
66.181.161.19
Цагдаагийн ажил, нэр төр олны дунд дампуу байхад дарга нь шагнуулдаг гэнэ шүү
Хариулах
202.9.40.40
Дампуурсан төр
Хариулах
202.9.46.150
Шууд хошууч генерал цол олгож болдог юм уу? Ямар гавъяа байгуулсан болоод тэр вэ?
Хариулах
64.119.26.213
Бэлтгэл ажлаа гэж
Хариулах
203.91.115.42
чи аль улс.н хүн юм
Хариулах
202.9.46.247
Хүрэлсүх манай ерөнхийлөнч биш
Хариулах
192.82.90.3
ерөнхийлөгч өнгөлөг харагдаж байна
Хариулах