Гацсан ачаа барааг гал тэргээр татаж байна

Замын-Үүд дэх шинээр томилогдсон Гаалийн газраас өнгөрсөн тав хоногийн хугацаанд  дараах шийдвэрүүдийг гаргаж, эхний ээлжийн гацааг арилгаад байна. Үүнд:

• Замын-Үүд дэх  Гаалийн газрын хуучин ажиллаж байсан 4 албаны дарга, 28 байцаагчийг сэлгэн, Улаанбаатар хотоос 32 ажилтныг шинээр томилжээ
• Замын-Үүдэд төрийн алба хаагчдаас шалтгаалсан ачаа барааны бөөгнөрөлийг цэгцэлж, гаалийн хяналтын бүсэд гацаад байсан ачааны 200 авто машиныг шуурхай бүртгэл, хяналт хийн гаргасан
• Баяр наадмын амралтын өдрүүдэд хил хаагдсан байгаа ч энэ сарын 11-ээс БНХАУ-аас ачаа тээврийн галт тэргээр бараагаа зөөх ажлыг эхлүүлжээ
• Замын-Үүд дэх 12 тэрминал хяналтын бүсийг өдөрт хоёр удаа ариутгах ажлыг тогтмол хийж эхлээд байгаа аж. 

Ойрын хугацаанд БНХАУ-ын талаас хилээр гаргах автомашины хязгаарлалтай холбоотой асуудлаар цахим уулзалтыг хийхээр болжээ. 

Эх сурвалж: Замын-Үүд дэх Гаалийн газар