Засгийн газрын ээлжит бус хуралдаанаас гарсан шийдвэрийг танилцуулж байна.
Монгол Улсын Ерөнхий сайдын хэвлэлийн төлөөлөгч Ч.БОЛОРТУЯА:
"Засгийн газрын ээлжит бус хуралдаан үргэлжилж байна. Засгийн газрын авлигын эсрэг манлайлж ажиллахаа илэрхийлсэн. Энэ хүрээнд өнөөдөр Авлигын эсрэг ажлын хэсэг байгуулахыг Засгийн газраар баталлаа. Авлигыг бууруулна гэдэг ч тодорхой зорилт байгаагүй. Энэ удаад авлигын индексийг хоёр оронтой тоо руу оруулах зорилтыг дэвшүүллээ. Транспэрэнси интэрнэшнэйл байгууллагын гаргадаг Авлигын төсөөллийн индексээр манай улс 180 орноос 111 дүгээр байранд байгааг ирэх жилүүдэд хоёр оронтой тоонд оруулахаар ажиллана. Ерөнхий сайдын захирамжаар Авлигын ажлын хэсэг байгуулагдаж байна. ХЗДХ-ийн сайд Х.Нямбаатараар ахлуулсан 15 хүнтэй ажлын хэсгийг байгууллаа. УИХ-тай хамтран шат дараатай арга хэмжээнүүдийг авна. Энэ зундаа багтааж, авлигыг бууруулах хууль эрх зүйн орчныг сайжруулах хуулийн төслүүдэд нэмэлт, өөрчлөлт оруулна. Энэ ажлын хэсэг гэмт хэрэгтэй тэмцэх гэхээс илүүтэй авлигын гэмт хэрэг үүсгэж буй хөрс суурьтай тэмцэнэ" гэлээ.
28°C
Сэтгэгдэл (29)