"Улаанбаатар төмөр зам" ХНН-ийн дарга Д.Жигжиднямаа хүнд өвчний улмаас өнөө өглөө нас баржээ. Тэрээр өнгөрөгч зургадугаар сард Монгол Улсын гавьяат тээвэрчин цол хүртэж байв.
Д.Жигжиднямаа нь 1965 онд Улаанбаатар хотод төрсөн. 1972-1982 онд Зөвлөлтийн VIII дунд сургууль, 1982-1988 ОХУ-ын Москва хотын Төмөр замын дээд сургуулийг Төмөр замын тээвэр удирдлагын инженер мэргэжлээр төгссөн. Малайз, Япон, Сингапур зэрэг улсад тээврийн чиглэлээр мэргэжил дээшлүүлсэн, мэргэжлийн төмөр замчин юм.
Түүнийг УБТЗ-ын дарга болоход төмөр замын тээврийн хэмжээ зогсонги байдалд байсан гэж хэлж болно. Тэгвэл өдгөө УБТЗ-ын тээврийн хэмжээ жил дараалан өсөж, Монгол Улсын нийгэм, эдийн засагт оруулах хувь нэмэр өсөн нэмэгдэж буй.
“Улаанбаатар төмөр зам” ХНН-ийн 2016 онд тээвэрлэсэн нийт ачааны хэмжээ 19.8 сая тонн байсан бол, 2017 онд 22.8 сая тонн, 2018 онд 25.6 сая тонн, 2019 онд 28.7 сая тонн, 2020 онд 30 сая тонн болж өссөн байна.
Сэтгэгдэл (0)
Сэтгэгдэл бичигдээгүй байна