Зуны улиралтай зэрэгцэн иргэд голын дэргэд, усны сан бүхий газарт тээврийн хэрэгслээ угааж, орчныг бохирдуулах зөрчил их гардаг. Тэгвэл Хөвсгөл далайд машинаа угааж байгаа нэгэн зураг цахим орчинд цацагдаж иргэдийн дургүйцлийг хүргэж буй. Бид тухайн зурган дээрх авто машины улсын дугаараар мэдээллийг хайхад "Дун Гоулд" ХХК-ийн захирал Ц.Баярсайханы нэр дээр бүртгэлтэй автомашин байна. Ц.Баярсайханы эхнэр нь М.Баярмаа бөгөөд тэд Хөвсгөлийн гаралтай аж. Түүнчлэн "Дун Гоулд" компани нь геологийн судалгааны чиглэлээр үйл ажиллагаа явуулдаг юм байна.
Зөрчлийн тухай хуулийн 7.15.8-д "Усны сан бүхий газарт хог хаягдал хаясан, эсхүл машин техник, бохир зүйл угаасан, эсхүл усны нөөцийг бохирдохоос хамгаалах үүргээ биелүүлээгүй бол учруулсан хохирол, нөхөн төлбөрийг гаргуулж хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно" гэж заажээ.Уг хуулийн дагуу голын ойролцоо машин угаасан, хог тарьсан бол иргэнийг 100 нэгж буюу 100 мянган төгрөгөөр торгох юм.
28°C
Сэтгэгдэл (49)