Токио-2020 зуны XXXII олимпын наадмын 4 дэх өдөр Монгол Улсаас буудлага, жүдо бөх болон 3х3 сагсан бөмбөгийн эмэгтэй баг тамирчид өрсөлдөнө.
Жүдо бөх
10:00 цаг. Жүдо бөхийн эмэгтэй 63 кг-н жинд ОУХМ Б.Ганхайч, эрэгтэй 81 кг-н жинд Саейд Моллаей нар татамид гарна. Хэсгийн барилдаан 10:00 цагаас явагдах бөгөөд Б.Ганхайч Мексикийн бөх Приска Алкаразтай барилдах бол Саейд Моллаей Казахстаны Дидар Хамзатай барилдана.
Сагсан бөмбөгийн 3х3
12:35 мин. Олимпын наадмын шинэ төрөл сагсан бөмбөгийн 3х3 төрөлд өрсөлдөж буй эмэгтэй шигшээ баг хэсгийн сүүлийн тоглолтоо өнөөдөр БНХАУ-ын багтай хийнэ. Сагсан бөмбөгийн 3х3 төрлийн хэсгийн шатны тоглолтууд 16:25 минутанд сүүлийн тоглолтоо хийснээр орой 19:30 минутаас шигшээ тоглолтууд эхэлнэ.
Буудлага
08:00 цаг. Олимпын наадмын буудлагын төрөлд шинээр орж ирсэн 10 метрийн хийн гар бууны холимог хосын төрөлд Ц.Анударь, Э.Даваахүү нар өрсөлдөнө. Урьдчилсан шатны буудлага 08:00 цагаас эхлээд байгаа бол 10:00 цагаас медалийн төлөөх буудлага эхлэнэ. Эндээс эхний 8 баг нь дараагийн шатанд шалгарна.
Сэтгэгдэл (0)
Сэтгэгдэл бичигдээгүй байна