Японы зүүн эргийн Номхон далайд дэгдсэн хүчтэй шуурга олимпын наадмыг саатуулж магадгүй болоод байна. Өнөөдөр буюу долдугаар сарын 27-ны мягмар гарагт Номхон далайгаас ирж буй халуун орны хүчтэй шуурга дэгдэх төлөвтэй байгаа талаар олимпын наадмыг зохион байгуулагчид мэдэгджээ.
Хүчтэй шуурганы улмаас зарим спортын тэмцээний хуваарьт өөрчлөлт оруулж байгаа бөгөөд мягмар гарагт явагдах байсан сэлүүрт завь, сёрфинг болон байт харвааны төрлүүдийг лхагва гараг руу шилжүүлсэн байна.
Токио-2020 олимпын наадмын хэвлэлийн төлөөлөгч Маса Такаяа “хэт их санаа зовох хэрэггүй. Зөвхөн урьдчилсан сэргийлэх арга хэмжээ авч байна” гэж мэдэгдсэн байна. Хэдийгээр далайн шуурганы эрч сулраад байгаа ч нийслэл Токио хот болон олимпын наадмын тоглолтууд явагдаж байгаа газруудад аянга цахилгаан, хүчтэй салхитай аадар бороо орж магадгүй байна.
Сэтгэгдэл (0)
Сэтгэгдэл бичигдээгүй байна