Олимпын наадмын 10 метрийн хийн гар бууны холимог хосын төрөлд өрсөлдсөн Ц.Анударь, Э.Даваахүү нар 13-р байранд орж тэмцээнээ өндөрлүүллээ. Энэ төрөлд 20 улсын баг тамирчид өрсөлдсөн бөгөөд манай баг нийлбэр 571 оноо авсан байна. Цолмонбаатарын Анударь 93+95+90 оноогоор нийт 278, Энхтайваны Даваахүү 99+98+96 нийт 293 оноо авчээ.
Манай баг тамирчдын ард 2018 оны дэлхийн аваргын хүрэл медальт Оросын М.Черноусова нарын баг болон АНУ, Япон зэрэг орны багууд орсон байна. Холимог хосын төрөлд урьдчилсан шатанд Энэтхэгийн баг нийлбэр 582 оноогоор тэргүүлсэн бол шигшээ наймд шалгарсан Ираны баг 575 оноо авчээ. Шигшээ буудлага 10:00 цагаас явагдана.
Сэтгэгдэл (0)
Сэтгэгдэл бичигдээгүй байна