2021/09/22
USD 2,811

​ Япончууд олимпын наадмын ширээний теннисээр анх удаагаа алтан медаль хүртлээ

Ш.АДЪЯАМАА
2021/07/27

Олимпын наадмын ширээний теннисний төрөлд шинээр орж ирсэн холимог хосын төрөлд Японы Мима Ито болон Жун Мизутани нар түрүүллээ. Аваргын төлөө Хятадын Шу Шин, Лю Шивэн нартай өрсөлдөж 7 сетэд 5-11, 7-11, 11-8, 11-9, 11-9, 6-11, 11-6 харьцаатай ялалт байгуулсан байна. 

Ширээний теннист 1988 оны Сөүлийн олимпын наадамд орж байсан бөгөөд тэр цагаас хойш Хятадуудын давамгайлал дор явагдаж байсан. Хятадууд эмэгтэй хосын төрөлд Сөүл-1988, эрэгтэй ганцаарчилсан төрөлд Сөүл-1988, Барселона-1992, Афин-2004 олимпын наадамд л түрүүлж чадаагүй байдаг. 

Харин Япончууд 1988 оноос хойш ширээний теннисний төрөлд 2 мөнгө, 2 хүрэл медаль хүртээд байсан бол нутагтаа болсон олимпын наадмын холимог хосын төрөлд хүчтэй Хятадын багийг буулган авч анхны алтан медалиа хүртлээ. Холимог хосын шигшээ тоглолтын дараа ялагдал хүлээсэн Хятадын тамирчин Лю Шивэн “Энэ үр дүнг хүлээн зөвшөөрч чадахгүй байна. Манай багийн эсрэг бүх багууд маш сайн бэлдсэн байна. Үнэхээр харамсалтай” хэмээн сэтгэгдлээ илэрхийлжээ.



Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.118.147
Мима Ито супер
Хариулах