Токио-2020 зуны олимпын наадмын талбайн теннисний тэмцээн үргэлжилж байна. Энэ удаагийн олимпын наадамд эх орноо төлөөлөн оролцож буй Их дуулга тэмцээний 4 удаагийн аварга Японы Наоми Осака тэмцээний 3-р шатанд Чехийн Маркета Вондроушовад 1-6, 4-6 харьцаагаар хожигдож тэмцээнээ өндөрлүүллээ.
Наоми Осакагийн хувьд олимпын наадмын галт бамбарыг асааж түүхэнд нэрээ үлдээгээд байсан. Харамсалтай нь дэлхийн чансааны №2, олимпын наадмыг зохион байгуулагч орны тамирчин Наоми Осака тэмцээнээ өндөрлүүллээ. Түүнтэй өрсөлдсөн Чех бүсгүй эзэн орны Наоми Осакад ердөө 5 гэйм алдсан. Наоми Осакагийн хувьд энэ оны Австралийн их дуулгад түрүүлээд Францын их дуулгын 2-р шатнаас хасагдснаас хойш тэмцээнд оролцоогүй байсан. Хамгийн сүүлд тэр Уимблидоны их дуулга тэмцээнийг өнжиж олимпын наадамд төвлөрч байсан боловч ийн тэмцээнээ өндөрлүүлж байна.
Сэтгэгдэл (0)
Сэтгэгдэл бичигдээгүй байна