Олимпын наадмын 28-ны өдөр Монголын баг тамирчдаас жүдо, буудлага, боксын тамирчид өрсөлдөнө.
Байт харваа
08:30 мин. Байт харвааны төрөлд Бишиндээгийн Урантунгалаг, Баатархуяг Отгонболд нар эхний шатны өрсөлдөөнөө хийнэ. 1/32-н төлөө Б.Урантунгалаг Японы Азуса Ямаучитай өрсөлдөх бол Б.Отгонболд БНХАУ-ын Ли Жиалунтай тус тус өрсөлдөнө.
Жүдо бөх
10:00 цаг. Жүдо бөхийн барилдааны 90 кг-н жинд Азийн наадмын мөнгөн медальт, ОУХМ Гантулгын Алтанбагана татамид гарна. Түүний эхний өрсөлдөгч нь дэлхийн чансааны жингийн тэргүүн бөх, 2018, 2021 оны дэлхийн аваргын алтан медальт Испаний Николоз Шеразадишвили байх юм.
Бокс
10:30 мин. Эмэгтэйчүүдийн 75 кг-н жинд ОУХМ Мөнхбатын Мягмаржаргал рингэнд гарах бөгөөд Их Британий боксчин Лаурен Присетэй эхний тоглолтоо хийнэ.
18:05 мин. Эрэгтэйчүүдийн 57 кг-н жинд дэлхийн аваргын хүрэл медальт, Азийн наадмын аварга, ААШТ-ний хошой алтан медальт Эрдэнэбатын Цэндбаатар рингэнд гарна. Эхний тулаандаа Азербайжаны боксчинг буулгаж авсан Э.Цэндбаатар өнөөдөр Вьетнамын Нгуэн Ван Дыонгтой олимпын наадмын хоёрдахь тулаанаа хийнэ.
Сэтгэгдэл (0)
Сэтгэгдэл бичигдээгүй байна