2021/09/22
USD 2,811

Цөлжилт, шороон шуургатай тэмцэх чиглэлээр БНХАУ-тай хамтарсан төсөл хэрэгжүүлэхээр тохиролцлоо

Н.Сумъяасүрэн
2021/07/28

Гадаад харилцааны сайд Б.Батцэцэг БНХАУ-ын Гадаад хэргийн сайд Ван И-гийн урилгаар өчигдөр тус улсад албан ёсны айлчлал хийлээ. Гадаад харилцааны сайдын айлчлалын бүрэлдэхүүнд Ерөнхийлөгчийн Гадаад бодлогын зөвлөх Э.Одбаяр багтсан байна.

Талууд хоёр улсын төрийн тэргүүн, парламентын удирдлага, Засгийн газрын тэргүүн нар утсаар ярьж, хоёр улсын харилцааг хөгжүүлэх олон чухал тохиролцоонд хүрснийг тэмдэглэж, хоёр улсын удирдлагуудын хүрсэн тохиролцоог хэрэгжүүлэх чиглэлээр идэвхтэй хамтран ажиллахаар тохиролцсон байна.

Ялангуяа цар тахлын халдвараас урьдчилан сэргийлэх арга хэмжээ авсны үндсэн дээр бараа бүтээгдэхүүний тээвэрлэлт болон нүүрс, хөдөө аж ахуйн бүтээгдэхүүний экспортыг нэмэгдүүлэх, баруун бүсээс мах экспортлохыг сэргээх явцыг түргэтгэхэд хамтран ажиллахаар тохиролцжээ.

Мөн цөлжилт, шороон шуургатай тэмцэх чиглэлээр хамтарсан төсөл хэрэгжүүлэх болсон байна. Ерөнхийлөгч У.Хүрэлсүх байгаль орчин, тэр дундаа цөлжилт, шороон шуургатай тэмцэх, байгаль орчны доройтлыг бууруулах чиглэлээр идэвхтэй ажиллахаа хэлж байсан.


Мөн БНХАУ-ын дарга Ши Жиньпинтэй энэ сарын 16-ны өдөр утсаар ярихдаа ч энэ асуудлыг хөндөн ярилцсан юм.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.216.93
Хоёр хөрштэйгөө эвтэй байвал Монгол хөгжинөө. Хүссэн ч хүсээгүй ч мөнхийн хөршүүд. Дэлхийн том гүрнүүд шүү дээ. Харин овоо харцах төлөвтэй шүү. Амжилт..
Хариулах
202.9.46.174
Alchihna shuu chamaig shugel amid yvah hetsuu shuu
Хариулах
122.201.24.85
Хятадууд монголд цэрэг оруулах гэж их боддог. Энэ удаа хамтарсан хээрийн сургууль нэрийн доор цэрэг оруулж ирэх гэж байна. Монголчуудаа улсынхаа хилээр нэгч хятад оруулж болохгүй шүү. Монголчууд эрх чөлөө, тусгаар тогтнолоо хамгаалах цаг болсон. Хятадын цэрэг хилээр орж ирнэ гэж ёстой байхгүй шүү.
Хариулах
66.181.161.77
сүүлчийн өгүүлбэр дэх тэгвэл гэдэг үг ямар утгатай вэ
Хариулах