2021/09/20
USD 2,811

​ Хүндийг өргөлтийн Э.Билэгсайхан 203 кг-г өргөжээ

Н.Сумъяасүрэн
2021/08/02

Токио-2020 зуны олимпын наадмын хүндийг өргөлтийн төрөлд манай улсаас М.Анхцэцэг -87 кг-д, Э.Билэгсайхан +87 кг-н жинд оролцож байгаа. Өнөөдөр манай тамирчид өрсөлдөх хуваарьтай байгаа бөгөөд Э.Билэгсайхан В хэсэгт багтан огцом өргөлтөөр 87 кг, түлхэлттэй өргөлтөөр 116 кг-н өргөж нийлбэр 203 кг-г өргөсөн байна. Манай тамирчин огцом өргөлтөөр эхлээд 86 кг-н захиалсан ч амжилтгүй болсон бол дараагийн захиалгаар 87 кг-н мөн амжилтгүй болсон. Ингээд сүүлийн захиалгаараа 87 кг-н дахин захиалж амжилттай өргөсөн. Түлхэлттэй өргөлтөөрөө 107, 112, 116 кг-н захиалгуудаа амжилттай гүйцэтгэсэн юм.


Анх удаагаа олимпын наадамд оролцож буй 22 настай манай улсын хүндийг өргөлтийн хүнд жингийн тамирчин Эрдэнэбатын Билэгсайхан +87 кг-н жингийн В хэсэгт өрсөлдөн амжилттай өндөрлүүлж байна. Э.Билэгсайхан ААШТ-ээс алт, мөнгө, хүрэл, Дэлхийн цомоос мөн алт,хүрэл, Азийн цомоос мөнгө, хүрэл медаль хүртэж байсан ирээдүйтэй шилдэг тамирчин юм.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна