Эрүүл мэндийн сайд С.Энхболд Засгийн газрын ээлжит хуралдаанаас гаргасан шийдвэрийг танилцууллаа.
Тэрбээр "Манай улсын нийт нас баралтын тэргүүлэх таван шалтгаан нь зүрх судасны өвчин, гэмтэл хордлого, амьсгалын тогтолцооны эмгэг, хавдар, хоол боловсруулах замын халдвар байна. ЭМДС-аас санхүүжигддэг 18-аас дээш насны бүлгээр ангилсан багцууд бий. Энэ нь 2018 оноос эхлэн хэрэгжиж байгаа боловч хамрагдалт 7.9 хувь байна. Тиймээс энэ насны багцыг шинэчилж, хүн амыг жилд нэг удаа заавал урьдчилсан сэргийлэх үзлэгт хамруулна. Энэхүү багцад 12 төрлийн оношилгоо, шинжилгээ хийгддэг. Энэ нь 18-аас дээш насныхны 43-75 мянган төгрөгийн үнэтэй багц шинжилгээ юм. Үүн дээр нэр төрлийг олшруулж, хөдөө орон нутгийн боловсон хүчинг чадавхжуулж байна. Ирэх оны нэгдүгээр сарын 1-ээс улс даяар эрт илрүүлэг, урьдчилсан сэргийлэх үзлэгт бүх иргэдийг хамруулна" гэлээ.
Сэтгэгдэл (0)
Сэтгэгдэл бичигдээгүй байна