2021/09/19
USD 2,811

Япон нь Хятадтай хийх болзошгүй дайнд бэлдэж Энэтхэгтэй хамтарсан сургууль хийнэ

Ш.АДЪЯАМАА
2021/08/25

Японы Цэргийн нисэх хүчин түүхэндээ анх удаа Энэтхэгийн Цэргийн хүчтэй хамтарсан сургууль хийхээр болсон тухай Японы “Санкэй симбун” сонин мэдээлжээ. Хээрийн сургууль нь сөнөөгч онгоцны  эсрэг шинэ тактик боловсруулах гэсэн гол сэдэвтэй юм байна. Энэтхэгийн тал хээрийн сургуульд өөрийн Су-30 сөнөөгч онгоцоор оролцох тул япончууд энэхүү сөнөөгч онгоцтой хэрхэн тулалдах, дайралтыг няцаахад суралцах аж.

Япон Хятад хоорондын мөргөлдөөнд Энэтхэгийн цэргийн нисэх хүч ямар хамаатай талаар асуулт гарах зүйн хэрэг. Тэгвэл “Санкэй симбун” сонины тайлбарлаж байгаагаар хамаг учир Оросын Су-30 сөнөөгч онгоцонд байгаа юм байна. Энэтхэг нь зэвсэглэлдээ Оросын лицензийн дагуу үйлдвэрлэсэн 263 Су-30 сөнөөгчтэй, хуучин Зөвлөлтөөс худалдаж авсан 61 ширхэг МиГ-29 сөнөөгч бас Францад үйлдвэрлэсэн 52 сөнөөгчтэй. Иймд Энэтхэг нь Японтой хамтарсан сургууль хийхдээ Су-30 онгоцоор оролцох нь гарцаагүй гэж үзсэн аж.

Хамгийн гол нь Хятадын цэргийн нисэх хүч ОХУ-д үйлдвэрлэсэн 97 ширхэг Су-30 онгоцтой. Тэдгээрийг Окинава арал болон Миоякожима арлын дундуур Номхойн далайд гарахад тогтмол ашигладаг. Сүүлд гэхэд Хятадын стратегийн бөмбөгдөгч онгоцны хамтаар энэ замаар явж нэлээд дуулиан дэгдээсэн. Энэ бүхнээс үүдээд Хятадын тал Су-30 онгоцыг ашиглах тактикаа боловсронгуй болгож байна гэж дүгнэсэн.

Иймд ойрын ирээдүйд Тайванаас болоод эсвэл өөр ямар нэг шалтгаанаар Хятадтай хэсэг газрын мөргөлдөөн хийхэд тулбал Су-30 онгоцтой тулах магадлал өндөр болж байгаа юм байна. Харин ийнхүү Энэтхэгийн Су-30 онгоцтой хээрийн сургууль хийснээр энэ онгоцны маневрлах чадвар, оператив алслал, түлш зарцуулалт зэрэг чухал үзүүлэлтийн талаар бодит төсөөлөл олж авна. Түүнчлэн Японы нисгэгчид болзошгүй дайсныхаа байлдааны тоног ба зэвсэг, газар дээр арчилгаа үйлчилгээ хэрхэн явагддагийг ойлгож авна гэж “Санкэй симбун” сонин бичжээ.

Нэг ёсондоо Японы нисгэгчид өмнө нь зөвхөн цаасан дээрээс уншдаг байсан зүйлсийг бодит байдал дээр харж Су-30 онгоцны сул болон давуу талуудыг ойлгож мэдэх юм байна. Үүнийг дагаад Хятадын нисгэгчид дайн тулааны үеэр Су-30 онгоцыг ямаршуу байдлаар ашиглаж болох талаар бодит байдал дээр тулгуурласан мэдлэг, туршлагатай болно. Дараа нь бүс нутагт зэвсэгт мөргөлдөөн гарсан тохиолдолд Японы нисэх хүчин зөвхөн Хятадын гэлтгүй энэ онгоцоор зэвсэглэсэн Оросын нисэх хүчний эсрэг ямар арга хэрэглэвэл зохистой болох нь тодорхой болох аж.

Түүнчлэн хээрийн сургуулийн үеэр Японы нисгэгч нарт Су-30-ийг жолоодон нисэх боломж ч гарах нь юугаар ч орлуулшгүй туршлага болох нь гарцаагүй гэжээ.

Япон Энэтхэгийн хамтарсан нисэх хүчний хамтарсан сургууль энэ он дуусахаас өмнө хийгдэхээр болсон. Уг нь бүр өнгөрсөн оны долоодугаар сард болох ёстой байсан ч Covid-19-ийн цар тахлаас болж хойшилсон. Дараа нь Энэтхэг онц аюултай “дельта” хувилбар тархсан учраас хойшилж байгаад ийнхүү ямар ч байсан энэ ондоо багтаан хийхээр болжээ.

 


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.88.184
АДЪЯАМАА ГОЁ НИЙТЛЭЛ ОРУУЛЖ. ЖООХОН ОРОСЫН ТАЛЫН ФЕНҮҮДИЙН НИЙТЛЭЛ БАЙЖ БОЛЗОШГҮЙ. СУ 30 АНУ ГИЙН ОНГОЦООС ИЛҮҮ ДУТУУ ГЭЭЛ БӨӨН МАРГААН НЮС ГӨҮГӨҮ АЙКОН УЛААН ХЭРҮҮЛ БОЛДОГ. ТЭНД ТАВИГДСАН БОЛ МЭДЭЭНЭЭСЭЭ ИЛҮҮ КОММЕНТООС ИЛҮҮ ИХ МЭДЭЭЛЭЛ АВАХААР Л БӨӨН ЮМ БОЛОХ БАЙЛАА. САЙН БАЙНА САЙН Ч ОРЧУУЛЖ. МАНАЙ ЭНЭ ТАЛЫН МЭДЭЭЛЭЛ СОНИРХОГЧИД ДАЙСНЫ ОНГОЦНЫ ТОНОГ ЗЭВСЭГ ГЭЭД БАЙДАГГҮЙ ОНГОЦНЫ ЗЭВСЭГЛЭЛ ГЭЭД ЯРИАД СУРЦГААЧИХСАН БАЙЛДААНЫ ЗЭВСЭГЛЭЛ ГЭНЭ.
Хариулах
66.181.161.39
Хятадыг сөнөөe
Хариулах
192.82.86.9
ККК энэ - хятадын хоншоорыг тас цохиж харагдана Япог бүр болчиноо болно доо
Хариулах
202.126.89.95
Өмхийнүүдыг чацга царайлуулуулж амьтан болгож бусад улс руу шүлсээ гоожуулахгүй ковид тараахгүй хоншоорыг нь тас цохиоч
Хариулах