Жил бүрийн есдүгээр сарын 1-нд хичээлийн шинэ жил орон даяар эхэлдэг уламжлалтай. Энэ жилийн тухайд есдүгээр сарын 1-н Лхагва гарагт тохиож байгаа ч хичээлийн шинэ жилийн нээлт болохгүй. Учир нь улсын хэмжээнд Өндөржүүлсэн бэлэн байдлын зэрэгт шилжүүлсэн хугацааг он дуустал сунгасан. Ингэснээр олон нийтийн арга хэмжээ зохион байгуулагдахгүй. Нөгөөтэйгүүр манай улсад коронавирусийн халдвар тархалт өндөр хэвээр буй. Өнөөдрийн байдлаар 2740 хүнээс халдвар илэрсний 527 нь нийслэд, 2213 тохиолдол орон нутагт бүртгэгдсэн талаар ЭМЯ-наас мэдээлсэн.
Халдварын тархалт ийн өндөр байгаа үед боловсролын байгууллагын үйл ажиллагаа хугацаандаа эхэлж байгаа ч халдвар хамгааллын дэглэмийн баримтлах хүрээнд энэ жил хичээлийн шинэ жилийн нээлтийг хийхгүй.
2020-2021 оны хичээлийн жилд 1439 цэцэрлэгт 8068 багш ажиллаж, 263333 хүүхдэд сургуулийн өмнөх боловсрл олгоно.Харин ЕБС-иудад 32085 багш ажиллаж, 640449 хүүхэд суралцана.
Сэтгэгдэл (0)
Сэтгэгдэл бичигдээгүй байна