Баянгол дүүргийн зүүн Наранд оршин суух иргэн могойд хатгуулж нас баржээ. Тодруулбал, тухайн иргэн наймдугаар сарын 21-ний өдөр зүүн хөлөндөө могойд хатгуулаад есдүгээр сарын 1-ний өдөр нас барсан байна.
Энэ жил нийслэлийн нутаг дэвсгэрт бамбай хоншоорт могой элбэг тархаад байгаа. Энэ нь хортой могой бөгөөд сүүлийн жилүүдэд үерийн усаар дамжин нийслэл хотод ихээр орж ирэх болсон. Ихэвчлэн хад асгатай газраар амьдарна.
Ерөнхий шинж:
Хэрэв нийслэлийн суурьшлын бүсэд могой харсан иргэд НБОГ-ын 323780, 310005 утсан дуудлага мэдээллийг яаралтай өгөөд мэргэжлийн хүмүүс очих хүртэл ажиглаад байж байх хэрэгтэй. Ингэхдээ могойгоор оролдохгүй, уурыг нь хүргэж болохгүйг сануулж байна.
Түүнчлэн могойд хатгуулсан бол яаралтай эмнэлгийн байгууллагад хандаад, шингэн зүйл их хэмжээгээр ууж аль болох хөдөлгөөнгүй хүлээх ёстой.
Иргэд амарч зугаалах үедээ өндөр өвстэй газраар урт түрийтэй гутал өмсөж, могойд хатгуулахаас сэргийлэхийг зөвлөж байна.
Сэтгэгдэл (0)
Сэтгэгдэл бичигдээгүй байна