2021/09/20
USD 2,811

ҮАБЗ: Цар тахлын үеийн эдийн засгийг эрчимжүүлэх төслийг дэмжлээ

Ш.АДЪЯАМАА
2021/09/03

Үндэсний аюулгүй байдлын зөвлөл өчигдөр /2021.09.03/ хуралджээ. Хуралд Ерөнхий сайд Л.Оюун-Эрдэнэ Цар тахлын үеийн эдийн засгийг сэргээх хуулийн төслийн танилцуулгыг хийсэн байна.

Төсөлд экспортыг нэмэгдүүлэх, импортыг орлох үндэсний үйлдвэрлэлийг дэмжих, бизнесийн таатай орчныг бүрдүүлэх, төр-хувийн хэвшлийн түншлэлийг сайжруулах тухай тусгажээ.

Мөн төрийн болон орон нутгийн өмчит аж ахуйн нэгжүүдийн засаглалыг сайжруулах, гадаадын хөрөнгө оруулалтыг нэмэгдүүлэх заалт орсон байна. ҮАБЗ-өөс уг хуулийн төслийг Засгийн газраас УИХ-д өргөн мэдүүлж, хэлэлцүүлэхийг дэмжжээ.

Цар тахлын үеийн эдийн засгийг эрчимжүүлэх, экспортыг нэмэгдүүлэх, импортыг орлох үндэсний үйлдвэрлэлийг дэмжих, төр, хувийн хэвшлийн түншлэлийг бэхжүүлэх, хөрөнгө оруулалтыг нэмэгдүүлэх үндэсний хороог Ерөнхий сайд ахалж байгаа. Уг хорооны анхдугаар хуралдааны үеэр Ерөнхий сайд Л.Оюун-Эрдэнэ “Цар тахлын дараах эдийн засгийг эрчимжүүлэх амаргүй. Тиймээс хурдтай ажиллах шаардлага үүсэж байна. Засгийн газар байгуулагдаад эхний 200 хоног хүрэхэд хүн амынхаа 60 хувийг вакцины бүрэн тунд хамруулж чадлаа. Мөн эдийн засгийг сэргээж, хэвийн горимд нь шилжүүлэх зорилт байсан. Бид энэ зорилтдоо хүрч чадсан. Одоо эдийн засгаа эрчимжүүлэхийн тулд Үндэсний хороо байгуулж, салбар бүрийн төлөөллийг оролцууллаа. Тиймээс Цар тахлын үеийн эдийн засгийг сэргээх хуулийн төсөл боловсруулна” хэмээн онцолж байсан нь ийн ажил хэрэг болж байна.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.92.99
zeel xoishluulaal bxiin ennii orond xuuchin 8% iin zeeelee 6% bolgood ogoochee shinechleliin zasgiin gazar bxda bux ard tumendee adilxan xandaj bsimdaa
Хариулах
150.129.142.193
Хар хэл амтангуудын пи ар явахаа байсан шүү
Хариулах
150.129.141.107
ӨВДСӨӨР, ҮХСЭЭР ЭДИЙН ЗАСГАА ТОГТВОРЖУУЛАХ ХҮН ҮЛДЭХ НЬ ҮҮ? ХЭНД ЗОРИУЛЖ ТОГТВОРЖУУЛАХГААД БАЙГАА ЮМ БОЛ?
Хариулах
192.82.64.196
Үндсэн хуульд Хуулийн төсөлд ҮАБЗ-өөс санал авна гэсэн зүйл байхгүй шүү. УИХ-ын бүрэн эрхэнд халдмааргүй байна. УИХ гишүүдээ Та нар ард түмний элч болохоос МАН, Хүрэлсүхийн утсан хүүхэлдэй биш шүү. Та нар намаасаа дахин сонгогдох мандатаа авах хувийн эрх ашгаа хойш нь тавиарай.
Хариулах