Монгол Улсад коронавирусийн халдварын тархалт өндөр хэвээр, өдөр бүр 3500 орчим тохиолдол бүртгэгдэж байна. УОК-ын дэргэдэх Эрдэмтдийн зөвлөл сүүлийн тооцооллоо наймдугаар сарын 17-нд хийсэн. Энд өдөрт гарах тохиолдлын тоо есдүгээр сарын дунд хүртэл дорвитой буухгүй боловч арав, арваннэгдүгээр сард халдварын тоо жигд буурна. Оргил үедээ долоо хоногийн дундаж нь 2500-3000 орчимд тохиолдол илрэх бол зарим өдөр ихдээ 3700 орчим халдвар бүртгэгдэх тооцоолол гарсан.
Тэгвэл цаашид халдварын тархалт буурах эсэх талаар Эрдэмтдийн зөвлөлийн гишүүн МУИС-ийн судлаач, доктор Т.Бэгзсүрэнгээс тодрууллаа.
Тэрбээр "Нийгэмд халдварын тархалт өндөр байгаа учраас сургуулийн орчинд халдвар нэмэгдэж байна. Халдварын тархалт нэмэгдсэн нь сургууль, цэцэрлэг эхэлсэнтэй холбоогүй гэж хэлнэ. Гэр бүлийн орчинд халдвар өндөр байгаа учраас хүүхдүүд халдварлах магадлал өндөр байна. Есдүгээр сарын 20-н хүртэл халдварын тархалт өсөлттэй хэвээр байна. Хатуу хөл хорио тогтоох хэмжээнд байдал хүндрэхгүй гэж бодож байна. Яагаад гэвэл вакцин хийлгэсэн хүмүүс халдвар авах эрсдэлтэй ч гэлээ хүндрэх болон нас барах эрсдэл нь тун бага.
Халдварын оргил үе нь есдүгээр сарын дунд үе хүртэл, нас баралтын оргил үе нь аравдугаар сарын эхэн үе байх болно" гэлээ.
16°C
Сэтгэгдэл (31)