ХӨСҮТ-ийн захирал Л.Баттөрийг дөнгөж сая ажлаас нь чөлөөлжээ. Ямар шалтгаанаар халсан нь одоогоор тодорхой бус байна. Тэрбээр өнгөрөгч гуравдугаар сард тус албанд томилогдсон. Түүний оронд Хоёрдугаар эмнэлгийн Эрдэм шинжилгээ, инноваци, хөгжлийн дэд дарга Ц.Билэгтсайханыг томилсон гэх мэдээлэл байна.
ХӨСҮТ-ийн захирал асан Д.Нямхүү ажлаас хууль бусаар халагдсан гэх шалтгаанаар шүүхэнд хандаад байсан.Түүний нэхэмжлэлтэй, Эрүүл мэндийн яаманд холбогдох хэргийн анхан шатны шүүх хурал хэд хэдэн удаа хойшилсны эцэст наймдугаар сард болж, шийдвэрээ гаргасан.
Тодруулбал, Сүхбаатар дүүргийн Иргэний хэргийн анхан шатны шүүхээс Д.Нямхүүгийн нэхэмжлэлийг хүлээж авсан.Өөрөөр хэлбэл түүнийг хууль бусаар халагдсан гэж шүүхээс үзсэн.
Уг шүүхийн шийдвэртэй холбогдуулан ХӨСҮТ-ийн захирал Л.Баттөрийг ажлаас нь чөлөөлсөн гэх мэдээлэл байна.
Сэтгэгдэл (0)
Сэтгэгдэл бичигдээгүй байна