Засгийн газрын ээлжит хуралдаан болж байна. Хуралдаанаар 15 асуудал хэлэлцэнэ. Хуралдаан бүрийн эхэнд коронавирусийн халдварын нөхцөл байдал, авч хэрэгжүүлж байгаа шуурхай арга хэмжээний талаар мөн Авлигын индексийг бууруулах Ажлын хэсгээс авч хэрэгжүүлсэн арга хэмжээний талаар танилцуулдаг.
Үүний дараа бусад хэлэлцэх асуудалдаа ордог. Тухайлбал, Төрийн болон орон нутгийн өмчийн эд хөрөнгийн улсын үзлэг, тооллогын хугацааг хойшлуулах тухай,
Монгол Улс, Япон улс хооронд дипломат харилцаа тогтоосны 50 жилийн ойг тэмдэглэх тухай Засгийн газрын тогтоолын төсөл,
Төрийн албан хаагчийн албан тушаалын цалингийн сүлжээ, хэмжээг шинэчлэн тогтоох зэрэг асуудлыг хэлэлцэхээр төлөвлөжээ.
Мөн ГХ-ны сайд Б.Батцэцэг гурван нууц асуудал, Ерөнхий сайд Л.Оюун-Эрдэнэ нэг нууц асуудал Засгийн газрын хуралдаанд танилцуулах юм байна.
Сэтгэгдэл (0)
Сэтгэгдэл бичигдээгүй байна