Англид салхины эрч буурсны улмаас нүүрсээр ажилладаг станцуудаа дахин ажилд оруулжээ

Ш.АДЪЯАМАА
2021/09/08

Европт байгаль орчныг хамгаалах, агаарын бохирдлыг багасгахад онцгой анхаардгийг бүгд мэднэ. Агаарын бохирдлыг багасгах үүднээс нүүрсийг бохир түлш гээд уурхайнуудыг, нүүрсээр ажилладаг цахилгаан станцуудыг агаар бохирдуулагч гол эх үүсвэрүүд гээд “нэг нүдээр үзэхгүй” элдэв янзаар шүүмжилж, торгосоор байгаад дийлэнхийг хаасан. Ямар сайндаа л Чех улс нь Польшийг хилийг ойролцоох орд газраас нүүрс олборлолоо гэж Европын шүүхэд өгөөд олон сая еврогийн торгууль ногдуулаад бөөн хэрүүл маргаан дэгдээсэн нь одоо хүртэл намжаагүй л байна.

 Гэтэл саяхнаас Их Британид нүүрсээр ажилладаг цахилгаан станцуудаа эргэн сэргээсэн тухай мэдээлэл ихээхэн дуулиан тариад байна. Салхи, ус зэрэг нөхөн сэргээгддэг эх үүсвэрээр ажилладаг цахилгаан станцуудын тоогоор дэлхийд тэргүүлэгч улсуудын нэг гэнэт “бохир заваар” нүүрсээр ажилладаг станцуудаа сэргээгээд эхэлсэн гэхээр бүгд гайхсан нь мэдээж. Гэтэл хамаг учир салхинд байжээ.

 “The Independent” сонины бичиж байгаагаар сүүлийн үед салхины эрч буурсны улмаас оршин суугчдыг цахилгаангүй үлдээхгүйн тулд арга буюу нүүрсээр ажилладаг станцуудаа эргэн сэргээжээ. Мөн сүүлийн үед Европ дах шатдаг хийн үнэ ч тэнгэрт хадсан нь нүүрсний станцуудыг ахин хэрэгцээтэй болгож орхижээ.

 Ингээд “National Grid ESO” компани нь улсдаа хоёрхон үлдсэн нүүрсээр ажилладаг цахилгаан станцын нэг болох “West Burton A” –ын хоёр блокийг дахин асаажээ. Компанийн мэргэжилтнүүд нүүрсээр ажилладаг станц нь цахилгааныг байгалийн хүчин зүйлсээс үл хамааран найдвартай нийлүүлдэг, үйлдвэрлэсэн цахилгаан нь өртөг хямд гэж тайлбарлаж байгаа юм байна.

 Гэхдээ Их Британийн нийт цахилгааны ердөө 3 хувийг л нүүрсний станцууд үйлдвэрлэж байдаг. Гол төлөв салхин цахилгаан станцуудын ажиллагаа доголдох үед нөхөх байдлаар ажилладаг аж.

  Мөн үүсээд байгаа нөхцөл байдалтай холбогдуулан Их Британийн Цөмийн аж үйлдвэрийн ассоциацийн тэргүүн Том Грейтрекс нь мэдэгдэл хийж цөмийн цахилгаан станцуудын хүчин чадлыг нэмэх шаардлагатайг анхааруулжээ. Цөмийн цахилгаан станцын талаар элдэв сэрэмжлүүлэг их ч гэлээ үнэн хэрэг дээрээ байгальд учруулдаг хор хөнөөлөөрөө нүүрсний цахилгаан станцтай зүйрлэхээргүй бага ч найдвартай ажиллагаагаар адил гэдгийг мэргэжлийн хүмүүс онцолдог аж.

  Харин байгаль орчныг хамгаалагчид болон цаг агаар судлаачид нүүрсээр ажилладаг станцуудыг эргэн сэргээж байгаад шүүмжилсэн байна. Их Британийн төлөвлөгөө ёсоор нүүрсээр ажилладаг үлдсэн хоёр станц болох “West Burton” ба “Ratcliffe-on-Soar Power Station”-ыг 2024 оны есдүгээр сард хаах юм. Тэгээд ч Их Британи дах хамгийн сүүлийн “Bradley Mine” нүүрсний ил уурхайг хаасан, Шотланд дах жижиг уурхайнуудыг 2022 онд хаах тул нүүрс ч олдохгүй болж таарах юм байна.

 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 4 цагийн өмнө
Ирэх сард ихэнх нутгаар хүйтэн байна 5 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 6 цагийн өмнө
Зам засварын ажил ирэх сарын 10-наас эхэлнэ 7 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 7 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 9 цагийн өмнө
Сурагчид өнөөдөр хичээллээд амарна 9 цагийн өмнө
Танилц: Өнөөдөр цахилгаан хязгаарлах байршлууд 9 цагийн өмнө
Ойрын хоёр хоногтоо салхитай хүйтэн байна 9 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр