Засгийн газрын хуралдаанаас Нийслэлийн нутгийн захиргааны төв цогцолборт Нийслэлийн иргэдийн төлөөлөгчдийн хурал, Нийслэлийн Засаг даргын Тамгын газар, Улаанбаатар хотын захирагчийн ажлын албыг Яармаг руу 2021 оны арванхоёрдугаар сарын 31-ний дотор нүүлгэн шилжүүлэх Засгийн газрын тогтоол гаргасан байна. Мөн БШУ-ны сайд Л.Энх-Амгаланд Хөдөө аж ахуйн их сургуулийн зарим сургуулийг Дархан-Уул аймаг руу, ШУТИС-ийн зарим сургуулийг Өмнөговь аймаг руу нүүлгэх стратегийг танилцуулахыг үүрэг болголоо” гэв.
Энэ талаар Нийслэлийн Засаг даргын орлогч Ж.Сандагсүрэн хэлэхдээ "Засгийн газрын хурлын тогтоолоор эхний ээлжид нийслэлийн Иргэдийн төлөөлөгчдийн хурал, Нийслэлийн Захирагчийн ажлын алба, 16 агентлагын 900 гаруй алба хаагчдыг Яармагын шинэ захиргааны байр руу нүүлгэх шийдвэр гарлаа. Замын түгжрэлийг сааруулахын тулд хот манлайлан ийн шийдвэр гаргасан.
Нийслэлийн хэмжээнд Баянхошуу, Шархад, Сэлбэ гэсэн дэд бүтцэд холбогдсон гурван төвүүд рүү зарим яам, тамгийн газруудыг нүүлгэх ажил мөн яригдаж байна. НЗДТГ-ын зүгээс бэлтгэл ажлыг хангаж, үе шаттайгаар нүүнэ. Яармаг орчинд түгжрэл нэмж бий болгохгүйгээр дотоод ажлаа зохион байгуулна.Цагийн хуваарийн зохион байгуулалт хийгдэнэ. Эхний ээлжид иргэд ихээр үйлчилдэг Захирагчийн ажлын албыг нүүлгэнэ. Өдөрт 1000 гаруй иргэд хотын захиргаагаар үйлчлүүлдэг. Нүүлгэлтэд зарцуулах санхүү зардлыг тооцоолж байна. Үндсэндээ ирэх жилийн намар гэхэд НЗДТГ-ын алба хаагчид Яармаг руу бүрэн нүүж дуусна. 2500 орчим ажилтан нүүнэ гэсэн үг" гэлээ.
Цаашид "Хангарьд” ордныг дуудлага худалдаагаар худалдах юм байна.
Сэтгэгдэл (0)
Сэтгэгдэл бичигдээгүй байна