Халдварын тархалт буурахгүй байгаатай холбогдуулан 22.00 цагаас хойш хатуу хөл хорио тогтоох тухай саналыг ХӨСҮТ-өөс гаргасан талаар ЭМЯ-наас мэдээллээ. Одоогоор уг саналаа УОК-т албан ёсоор хүргүүлээгүй байна. Дээрх саналыг ХӨСҮТ хэд хэдэн зүйлд үндэслэж гаргажээ. Тухайлбал, сүүлийн үед халдвар авч байгаа хүмүүсийн дийлэнх нь 22.00 цагаас хойш халдвар, хамгааллын дэглэм баримтлахгүйгээр үйлчилгээний газруудаар үйлчлүүлсэн, найз нөхөдтэйгөө уулзсан мөн ахуйн хүрээний уулзалт хийснээс халдвар өртөх эрсдэл нэмэгдэж байгаа аж.
Тиймээс 22.00 цагаас хойш хатуу хөл хорих саналыг ХӨСҮТ-өөс гаргасан гэж ЭМЯ-ны Хэвлэлийн төлөөлөгч Б.Ууганбаяр хэллээ. 22.00 цагаас хойш хатуу хөл хорио тогтоосноор халдварын тархалтыг 20 орчим хувиар бууруулах боломжтой гэсэн тооцооллыг ХӨСҮТ гаргасан байна. Одоогоор уг санал албажиж УОК-т очоогүй гэдгийг тэрбээр тодотголоо.
20°C
Сэтгэгдэл (25)