Өнөөдрийн байдлаар коронавирусийн халдварын улмаас улсын хэмжээнд 20772 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 35280 хүн Өрхийн эмчийн хяналт дор гэрээр эмчлүүлж байна.
Үндсэндээ халдвараар хүнд өвчилсөн 20 мянга гаруй хүн эмнэлэгт хэвтэж байгаа учраас ор олдохгүй, эмч хүрэлцэхгүй байна гэж иргэд шүүмжилж буй.
Орны хүрэлцээний талаар ЭМЯ-наас тодруулахад, "Өнгөрөгч зургадугаар сарын халдварын давлагаагаар улсын хэмжээнд 14 мянган ор дэлгэсэн. Өнөөдрийн байдлаар халдвараар 20 гаруй мянган хүн эмнэлгт хэвтэн эмчлүүлж байна. Эмч нар цаг, наргүй ажиллаж байгаа энэ үед иргэдийн ухамсар чухал байна. Халдвар хөнгөн туссан зарим хүн "Заавал эмнэлэгт хэвтэнэ" гэж зүй бус авирлаж, айлган сүрдүүлж, амь насанд нь заналхийлж эмч нарыг сэтгэл санааны дарамтад оруулж байна. Тиймээс хөнгөн хэлбэрээр өвчилсөн бол гэрээрээ эмчлүүлээч гэж хүсч байна. Халдвар хөнгөн туссан таны оронд хэвтэх байсан хүнд өвчтний амь нас нь дээсэн дөрөөн дээр байдаг шүү гэдгийг бодолцох хэрэгтэй. Ор нэмэх боломжтой хэдий ч гагцхүү тухайн эмнэлэгт ажиллах хүний нөөцийн дутагдалтай, хомсдол аль хэдийн үүссэн" гэлээ.
Сэтгэгдэл (0)
Сэтгэгдэл бичигдээгүй байна