Эрүүл мэндийн яам өглөө бүр 11:00 цагаас коронавируийн халдварын сүүлийн 24 цагийн тоон мэдээллийг хүргэдэг уламжлалтай. Тэгвэл ЭМЯ энэхүү тоон мэдээллээ дарж олон нийтэд мэдээлсэн байж болзошгүй байна. Учир нь 2021 оны есдүгээр сарын 8-ны өдөр буюу өчигдөр улсын хэмжээнд нийт 3677 хүнээс халдвар илэрсэн талаар ЭМЯ-наас мэдээлсэн.
Тэгвэл ДЭМБ-ын Covid-19-ийн олон улсын статистик дээр Монгол Улсад 4163 тохиолдол бүртгэгдсэн гэж мэдээлсэн байна.
Дэлгэрэнгүй ЭНДЭЭС харах боломжтой.
Монгол Улсад 2021 оны есдүгээр сарын 2-ны өдөр халдварын хамгийн өндөр тохиолдол буюу 3805 хүнээс коронавирусийн халдвар илэрлээ. Энэ нь цар тахал гарснаас хойш Монгол Улсад нэг өдрийн дотор бүртгэгдсэн хамгийн өндөр тохиолдол болсон. Тэгвэл ДЭМБ-ын статистик мэдээллээс харахад өчигдөр буюу есдүгээр сарын 8-ны өдөр хамгийн өндөр буюу 4163 хүнээс халдвар илэрсэн байна. Үүнийг ЭМЯ нууж мэдээлэв үү гэсэн хардлагыг төрүүлж байна.
Бид энэ талаар эргэн мэдээлэх болно.
Сэтгэгдэл (0)
Сэтгэгдэл бичигдээгүй байна