2021/09/20
USD 2,811

Өнөөдрөөс 18-аас дээш насныханд вакцины гурав дахь тунг хийж эхэллээ

Ш.АДЪЯАМАА
2021/09/13

Улсын хэмжээнд өнөөдрөөс /2021.09.13/ эхлэн 18-аас дээш насныханд коронавирусийн гурав дахь тунгийн дархлаажуулалтыг Синафарм, Файзер вакцинаар хийж эхэллээ.

Дельта вирус олон нийтийн дунд тархсан талаарх мэдээллийг Эрүүл мэндийн яам, ХӨСҮТ-ээс байнга түгээж байгаа. Тиймээс иргэдийн гуравдахь тундаа идэвхтэй хамрагдахыг уриалж байна.

Коронавирусний "Альфа", "Бетта", "Гамма" төрлийн вирус нь ойролцоогоор 2-3 хүнд халдвар дамжуулдаг байсан бол "Дельта" нь 7-8 хүнд халдварлах эрсдэлтэй. Мөн гүйлгэх, гэдсээр өвдөх шинж тэмдгүүд илэрч байгаа. Одоогоор "Дельта" вирусээр оношлогдсон тохиолдлуудын дийлэнх нь хөнгөн хэлбэрээр өвчилж байна. 

Эрүүл мэндийн сайдын 2021 оны наймдугаар сарын 12-нд гарсан А/517 дугаар тушаалын дагуу вакцинжуулалтад хамгийн эхэнд хамрагдсан Хариу арга хэмжээний багийн албан хаагчдад нэмэлт гурав дахь тунг хийсэн. Тодруулбал, эмч, цагдаа, онцгой байдлын алба хаагчдад АстраЗенека вакцины III тун хийж байгаа. Дэлхийн улс орнуудад ч вакцины хоёр тунд хамрагдсанаас хойш зургаан сарын дараа давтан тун хийж байна. Манай улсын хувьд тэр чиглэлийг бариад, давтан тунгийн ажлыг эхлүүлээд байгаа юм.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна