Коронавирусийн эсрэг вакцин хийлгээгүй хүмүүс нь халдвар авсан үед вакцин тариулсан хүмүүсээс 11 дахин олноор нас бардаг тухай “The Hill” мэдээлсэн байна.
АНУ-ын Өвчний хяналт ба сэргийлэлтийн төвийн мэргэжилтнүүд нь вакцин хийлгээгүй хүмүүсийн COVID-19-оор нас барах эрсдэлийг тооцоолсон байна. Үүний тулд эрдэмтэд 13 мужийн 600 мянган хүнийг хамарсан судалгаа явуулахад вакцин хийлгээгүй хүмүүсийн халдвар авсан тохиолдолд хүндэрч эмнэлэгт хүргэгдэж байсан тохиолдол нь вакцин хийлгэсэн хүмүүсээс 10 дахин өндөр байжээ. Үүнээс гадна вакцин хийлгээгүй хүмүүсийн дундах COVID-19-ийн тархалт нь вакцин хийлгэсэн хүмүүсээс 4,5 дахин их байжээ. Иймд Америкийн Өвчний хяналт ба сэргийлэх төв нь цаашдаа ч улс даяар вакцинжуулалтыг өндөр түвшинд байлгах шаардлагатай бүх арга хэмжээг авсаар байх болно гэсэн байна.
Сэтгэгдэл (0)
Сэтгэгдэл бичигдээгүй байна