Нийслэлийн Хүүхэд, гэр бүл хөгжлийн газраас ирэх сарын 5-наас 8-ны өдрүүдэд хүүхдийн зуслангуудад хяналт шалгалтыг хийхээр болсон бөгөөд зөвхөн шаардлага хангасанд нь үйл ажиллагаа явуулах зөвшөөрөл олгохоор олсон байна. Энэ жил 27 зуслан үйл ажиллагаа эрхлэх зөвшөөрөл хүссэн байна. Харин өнгөрсөн жилийн хувьд 19 зуслан үйл ажиллагаа явуулж 16 мянга 540 хүүхэд багачууд амарсан байна.
Нийслэлийн ЗДТГ, НЭМГ, НМХГ,НОБГ, НЦГ болон Нийслэлийн Хүүхэд, гэр бүл хөгжлийн газар гурван хэсэгт хуваагдан ажлын хэсэг гарч хяналт шалгалтыг явуулах аж. Үүнээс гадна зургадугаар сарын 1-нээс 10-ны өдрүүдэд зуслангууд үйл ажиллагаагаа танилцуулж, эрхийн бичгээ Үндэсний цэцэрлэгт хүрээлэнд худалдаадах юм.
Сэтгэгдэл (0)
Сэтгэгдэл бичигдээгүй байна