Шадар сайд С.Амарсайхан яг одоо БНХАУ-аас Монгол Улсад суугаа Элчин сайд Цай Вэньруй, Сангийн сайд Б.Жавхлан, АМГТГ-ын орлогч дарга Ц.Эрдэнэбаяр, УУХҮ-ийн сайд Г.Ёндон мөн шатахуун импортлогчидтой шатахууны асуудлаар уулзалт хийж байна.
Уг уулзалтын дараа Ерөнхий сайд шатахуун ипмортлогчидтай уулзана. Өнөөдрийн байдлаар нийслэлийн ихэнх дүүргүүдэд АИ-92 шатахуун олдохгүй тасалдал үүсээд байгаа юм. Зарим ШТС-ууд АИ-92 автобензинийг 30 мянган төгрөгийн квоттой олгож байна.
ОХУ-д шатахууны үнэ их хэмжээгээр өссөн тул тус улсын Засгийн газраас АИ-95, АИ-98 авто бензиний экспортыг энэ оны 9 дүгээр сарын 1 хүртэл түр хязгаарлахаар шийдвэрлэсэн. Үүнтэй холбоотойгоор манай улс шатахууны нийлүүлэлт, нөөцийг бүрдүүлэх үүднээс АИ-95, АИ-98 шатахууныг БНХАУ-аас импортлохоор хөөцөлдөж буй. Гэвч БНХАУ-аас шатахуун авахад төмөр замын асуудал тулгамдаад байгаа юм.
Тиймээс Засгийн газрын түвшинд уг асуудлаар талуудтай уулзалт хийж буй.
Мөн Монголын нефть, хийн үндэсний ассоциацийн Д.Алтан-Очир шатахууны асуудлаар ОХУ-руу өнөө өглөө явжээ.
Сэтгэгдэл (0)
Сэтгэгдэл бичигдээгүй байна