Засгийн газрын хуралдаан үргэлжилж байна. Хуралдааны үеэр шатахууны нөөц бүрдүүлэх асуудлыг хэлэлцэж буй. Энэ үеэр Ерөнхий сайд Л.Оюун-Эрдэнэ Гадаад харилцааны яамыг нилээд шүүмжилж, тэдний буруутай асуудлаас болж шатахууны хомсдолд хүрлээ гэж "уурласан" байна.
Учир нь хоёр хөрш манай улсад ирэх сар хүртэл шатахуун нийлүүлэх боломжгүйгээ мэдэгдсэн. ОХУ-ын тал манайхтай хийсэн гэрээгээр хамгийн багадаа 28 мянган тонн АИ-92 нийлүүлнэ гэж тохирсон байдаг ч үүнийгээ бууруулж, 17 мянган тонн АИ-92 өгөхөө мэдэгдсэн. Гэвч одоогоор үүнээс 7 мянган тонн АИ-92 орж иржээ.
Хоёрдугаарт, БНХАУ-ын талаас 1037 вагон АИ-92 авахаар тохирсон ч төмөр замын тээвэрлэлттэй холбоотойгоор гацаад байгаа юм. Тиймээс уг асуудалд ГХЯ-ыг шүүмжилж, өнөөдрийн нөхцөл байдалд хүрлээ гэдгийг хэлжээ.
Сэтгэгдэл (0)
Сэтгэгдэл бичигдээгүй байна