ХӨСҮТ, ЭМЯ-наас 22 цагаас хойш үйлчилгээний газруудын үйл ажиллагааг хориглох шаардлагатай гэсэн саналыг хүргүүлсэн байдаг ч Нийслэлийн Засаг дарга Д.Сумъяабазар аравдугаар сарын 1-ний өдрөөс эхлэн нийслэл хотын хэмжээнд соёл, урлагийн үзвэр, үйлчилгээг нээхийн дээр үйл ажиллагааг нь хязгаарлаад байсан зарим үйлчилгээг 50 хүртэлх хувийн хүчин чадалтайгаар ажиллуулахаар болсон.
Тэгвэл энэ нь хэр зөв шийдвэр вэ гэдгийг ХӨСҮТ-ийн захирал Ц.Билэгтсайханаас тодруулахад тэрбээр "ХӨСҮТ мэргэжлийн байгууллагын хувьд долоо хоног тутам гурван санал, дүгнэлт хүргүүлдэг. Нэгдүгээрт, нийтийг чиглэсэн арга хэмжээг хориглох буюу нийтийн шилжилт хөдөлгөөнийг багасгах, хоёрдугаарт вакцинжуулатттай холбоотой санал хүргүүлдэг. Хэдийгээр вакцины бүрэн тун болон нэмэлт тунгаа хийлгэсэн ч гэсэн халдварт өртөх магадлал байсаар л байна. Гуравдахь санал нь дельта вирусийн тархалттай холбоотой. Өмнө нь гурван хүний нэг нь дельтагаар халдварлаж байсан бол одоо гурван хүн тутмын гурав нь дельтагаар өвчилж байна. Өөрөөр хэлбэл өдөрт илэрч байгаа нийт халдварын 90 орчим хувь нь дельта хувилбар бүртгэгдэж байна. Тиймээс олон нийтийн үйл ажиллагааг хязгаарлах шаардлагатай. Нийтэд чиглэсэн хариу арга хэмжээг авахгүй бол дөрвөн долоо хоногийн дараа халдварын тоо даруй хоёр дахин нэмэгдэнэ гэсэн тооцоолол гарсан. Өнөөдөр 4000-5000 орчим халдварын тохиолдол илэрч байгаа бол энэ нь 10 мянга болж өснө. Хариу арга хэмжээ гэдэгт үйлчилгээний байгууллагуудыг 22 цагаас хойш ажиллуулахгүй байх гэсэн энэ шийдвэр ч хамаарна" гэлээ.
Сэтгэгдэл (0)
Сэтгэгдэл бичигдээгүй байна