Эрчим хүчний сайд Н.Тавинбэх Засгийн газрын хуралдаанаас гарсан шийдвэрийн талаар танилцууллаа.
Эрчим хүчний сайд Н.Тавинбэх: Засгийн газрын 2020-2024 оны үйл ажиллагааны хөтөлбөрт тусгасан Эрдэнэбүрэнгийн усан цахилгаан станцын барилгыг барих гүйцэтгэгчтэй Эрчим хүчний яам энэ сарын 17-нд гэрээ байгуулж, албажууллаа. Ховд гол дээр барих 90 мВт-ын хүчин чадалтай усан цахилгаан станцын барилга угсралтын ажил эхлэх боллоо. Анхны судалгааг 1964 онд ОХУ-ын мэргэжлийн байгууллагууд судалж гаргасан байдаг. Ингээд 2018 онд судалгааг дахин шинэчилсэн. Энэ төслийг БНХАУ-аас хөнгөлттэй зээл авч гүйцэтгэнэ. Төслийн өртөг 288 сая ам.доллар байхаар ТЭЗҮ-ийг боловсруулсан. Тендерт БНХАУ-ын төрийн өмчит компани шалгарсан. Тендерт шалгарсан компани 271 сая ам.доллараар, 61 сарын хугацаанд барих гэрээ байгуулсан. Барилга угсралтын явцад 800-1000 түр ажлын байр бий болно. Цахилгаан станц ашиглалтад орсноор 80 орчим тогтвортой ажлын байр бий болно.
Эрдэнэбүрэнгийн усан цахилгаан станцыг ашиглалтад оруулснаар баруун бүс болон Алтай-Улиастай эрчим хүчний системийг дотоодоос бүрэн хангах боломжтой болно" гэлээ.
Сэтгэгдэл (0)
Сэтгэгдэл бичигдээгүй байна