ЭМЯ: 2612 хүнээс халдвар илэрч, 12 иргэн нас барлаа

Сүүлийн 24 цагт халдварын 2612 тохиолдол шинээр бүртгэгдэж нийт халдварын тохиолдлын тоо 284381 боллоо. Мөн хугацаанд  5844 хүн эдгэрч, эмнэлгээс гарсан бол 12 хүн нас барсан харамсалтай мэдээ байна. Ингэснээр нийт нас баралт 1098 болов.

Одоогоор  халдварын улмаас улсын хэмжээнд 22305 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 68133 хүн гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 12701
• Хүндэвтэр- 7165
• Хүнд – 2060
• Маш хүнд – 379 хүн байна.

Өнөөдрийн байдлаар манай улс нийт хүн амынхаа 69 хувийг вакцинд хамруулжээ. Харин вакцины гуравдугаар тунд нийт 280 мянга гаруй иргэн хамрагдсэн нь хоёрдугаар тунд хамрагдсан иргэдийн 12 хувийг эзэлж байна. Гурав дахь тунд хамрагдсан хүмүүсийн арав  орчим хувь нь Вероцелл, есөн  хувь АстраЗенека, 90 орчим хувь нь Файзер вакцинд хамрагдсан байна.

 2-11 насны хүүхдүүдийг томуугийн вакциныг хамруулж байгаа бөгөөд улсын хэмжээнд 51.5 хувь, аймагт 34.8 хувь, нийслэлд 69.7 хувьтай байгаа талаар ЭМЯ-наас мэдээллээ.