Афганистан бүх эрх мэдлийг гартаа авсан “Талибан” хөдөлгөөн дундад зууны харгис ёс уламжлалуудыг эргэн сэргээж байна. Охид ба хөвгүүдийг тусад нь сургахаар болсон, зарим газар эмэгтэйчүүдийн эмнэлгийг хаасан, гэр бүлийн бус харилцаатай хосуудыг чулуугаар нүүлгэж шийтгэдэг болсон тухай мэдээ тасрахгүй байгаа нь талибууд өмнөхөөсөө огт өөрчлөгдөөгүй болохыг харуулсаар.
Хамгийн сүүлд гэхэд талибууд хулгай хийсэн хүний гарын тас цавчдаг шийтгэлээ халахгүй гэдгээ албан ёсоор мэдэгдсэн тухай “Associated Press” агентлаг уламжилж байна.
“Талибан” хөдөлгөөнийг үүсгэн байгуулагчдыг нэг мулла Нуррудин Турабай энэ тухай мэдэгдсэн аж. Тэрээр 1996-2001 онуудад талибын Засгийн газарт Хууль зүйн сайдын үүргийг гүйцэтгэж байсан бөгөөд энэ удаад талибуудын шоронгийн тогтолцоог удирдаж байгаа бөгөөд “Аюулгүй байдлыг хангах зорилгоор хулгай хийсэн хүний гарыг тас цавчсан хэвээр байна” гэжээ. Гэхдээ гар тас цавчих шийтгэлийг олны өмнө гүйцэтгэх эсэх талаар эцсийн шийдвэрт хүрээгүй байгаа гэдгийг онцлоод “Бид бусдын хууль ба шийтгэл гүйцэтгэх ёсны талаар хэзээ ч юу ч ярьж байгаагүй ч бүгд л биднийг цэнгэлдэх хүрээлэнд шийтгэлийг гүйцэтгэлээ гэж шүүмжилж байсан” гэсэн байна. Мөн талибууд хууль ёсыг хэрэгжүүлэхдээ лалын шашны ёсыг баримтална, хуулийн заалтууд нь Коран сударт нийцсэн байх болно гэжээ.
Сэтгэгдэл (0)
Сэтгэгдэл бичигдээгүй байна